AM | RU
USD
EUR
RUB

Տարոն Մարգարյանի հրաժարականի դեպքում Ալեն Սիմոնյանը կմտածի Երևանի քաղաքապետի պաշտոնը զբաղեցնելու մասին

 
 

ԵՐԵՎԱՆ, 23 ՄԱՅԻՍԻ, Times.am: Ազգային ժողովի «Ելք» խմբակցության պատգամավոր Ալեն Սիմոնյանը խոստանում է մտածել Երևանի քաղաքապետի պաշտոնը զբաղեցնելու մասին, եթե հնարավոր լինի հասնել քաղաքապետ Տարոն Մարգարյանի հրաժարականին: Խորհրդարանում լրագրողների հետ զրույցում Ալեն Սիմոնյանն ընդգծեց, որ կմտածի նման պատասխանատվություն իր վրա վերցնելու մասին, երբ հնարավոր լինի հասնել Տարոն Մարգարյանի հրաժարականին:

Հարցին, թե անգամ Տարոն Մարգարյանի հրաժարականի դեպքում Երևանի ավագանիում մեծամասնություն է մնալու ՀՀԿ խմբակցությունը, և այդ դեպքում ինչպե՞ս է պատկերացնում քաղաքապետի պաշտոնում ընտրվելու գործընթացը, Ալեն Սիմոնյանը պատասխանեց. «Պատկերացնում եմ նույն ձևով, ինչպես եղավ խորհրդարանում: Նաև կարող եմ ասել, որ Երևանի ավագանիում ՀՀԿ խմբակցությունը բաղկացած է շատ ոչ քաղաքականացված մարդկանցից, ովքեր ես չեմ կարծում, որ իրենց կապում են Հանրապետական կուսակցության գաղափարախոսության հետ»:

Անդրադառնալով հարցին, թե այդ մարդկանց հետ բանակցություններ ունեցե՞լ է, Սիմոնյանը պատասխանեց, որ որևէ մեկի հետ բանակցություններ չի ունեցել, որովհետև կոռեկտ չի համարում:

Նա հերքեց տարածված լուրերն այն մասին, թե արդեն վստահ է, որ կարող է Երևանի քաղաքապետ դառնալ, դրա համար է հրաժարվել պատգամավորական մանդատից: «Իմ որոշումը ես կայացրել եմ այն ժամանակ, երբ իմացել եմ, որ ժամկետների հետ կապված խնդիր կա, և կա միտում, որպեսզի ժամկետը լրանալուց անմիջապես հետո արձանագրություն կազմեն և ուղարկեն Կենտրոնական ընտրական հանձնաժողով ինձ Երևանի ավագանու անդամի մանդատից զրկելու վերաբերյալ»,- ասաց նա:

Հարցին, թե ինչո՞ւ որոշում կայացրեց հրաժարվել պատգամավորական մանդատից, Ալեն Սիմոնյանը պատասխանեց, որ այդ քայլին է դիմել, որպեսզի հնարավորինս խոչընդոտի այն ամենին, ինչ կատարվում է Երևանում: «Իմ տեղեկություններով, հիմա Երևանում այն մարդիկ, ովքեր իրենց «գործերը» չեն հասցրել վերջացնել, ցանկանում են արագ վերջացնել»,- ասաց Սիմոնյանը՝ չմանրամասնելով, թե ինչ «չավարտված գործերի» մասին է խոսքը:

Նա նաև հստակեցրեց, որ Երևանի քաղաքապետ Տարոն Մարգարյանին անվստահություն հայտնելու հարց չեն քննարկել, քանի որ իրավական առումով քաղաքապետին անվստահություն հայտնելը քաղաքապետի հրաժարական չի ենթադրում: Նրա խոսքով՝ հիմա ամենակարևորն այն է, որ իրենք կարողանան կանգնեցնել այն ամենը, ինչ կատարվում է Երևանում:

Սիմոնյանը չբացառեց տարբերակը, որ ետ վերցնի պատգամավորական մանդատից հրաժարվելու դիմումը՝ ընդգծելով, որ տեղեկություններ ունի, որ Երևանի քաղաքապետը պատրաստվում է իրեն Երևանի ավագանու անդամի մանդատից զրկելու արձանագրություն ուղարկել Կենտրոնական ընտրական հանձնաժողով՝ չնայած այն հանգամանքին, որ ինքը օրենքով սահմանված կարգով և ժամկետներում պատգամավորի մանդատից հրաժարվելու դիմում է գրել: «Նրանք ամեն ինչ անում են իրենց վերջին ֆորպոստը պահելու համար, որին ես ընդդիմանում եմ քաղաքական ճանապարհով»,- ընդգծեց Սիմոնյանը:

Նա շարունակում է պնդել, որ Տարոն Մարգարյանը պետք է հրաժարական տա, քանի որ երկրում իրադրություն է փոխվել: Ալեն Սիմոնյանի խոսքով՝ այն իրավիճակը, որ այսօր կա Երևանում, օր առաջ պետք է վերջանա: «Երկրում տեղի ունեցած փոփոխություններից հետո Տարոն Մարգարյանը, լինելով Հանրապետական կուսակցության կարկառուն ներկայացուցիչներից մեկը, չի ներկայացնում երևանցուն»,- ասաց նա:

Սիմոնյանը նաև ներկայացրեց ընթացակարգը, թե ինչպես է ընտրվելու նոր քաղաքապետ, եթե Տարոն Մարգարյանը հրաժարական տա: Նա հայտնեց, որ այդ դեպքում Երևանի ավագանին իր կազմից ընտրում է նոր քաղաքապետ: Եթե երեք անգամ քաղաքապետ չի ընտրվում, ավագանին լուծարվում է, և տեղի են ունենում Երևանի ավագանու արտահերթ ընտրություններ: Ալեն Սիմոնյանն ընդգծեց, որ իր համար իդեալական տարբերակ է նոր ընտրությունների անցկացումը, սակայն հավելեց, որ այս փուլում, միգուցե, այդ տարբերակն այնքան էլ նպատակահարմար չէ՝ հաշվի առնելով, որ օրակարգում նաև արտահերթ խորհրդարանական ընտրություններ անցկացնելու հարց կա:

Լրահոս
Երևանի քաղաքապետը հրաժարականի դիմում չի գրել Ազգային անվտանգության ծառայությունը բացահայտել է ՀՀ ՊԵԿ պաշտոնատար անձի օժանդակությամբ կազմակերպված հանցավոր մեխանիզմ Զոհրաբ Մնացականյանը դիվանագիտական առաքելության ավարտի կապակցությամբ ընդունել է ԱՄԷ-ի դեսպանին Հայաստանի դեսպանը հավատարմագրերն է հանձնել Բելառուսի նախագահին Եթե պատրաստ եք ձեր քայլը կատարել, եկեք Հայաստան, հարստացեք և հարստացրեք ուրիշներին. Փաշինյան Միացյալ Թագավորությունը վավերացրել է ՀՀ-ԵՄ Համապարփակ և ընդլայնված գործընկերության համաձայնագիրը Արմեն Սարգսյանը ցավակցական հեռագիր է հղել Մեքսիկայի նախագահին Գերմանիան ռեկորդային թվով միգրանտների է արտաքսել ԵՄ այլ երկրներ Արթուր Գրիգորյանն ազատվել է բնապահպանության և ընդերքի տեսչական մարմնի ղեկավարի պաշտոնից Հայաստանում հեղուկ գազի դեֆիցիտ է ԵԽԽՎ-ն փոխնախագահներ է ընտրել Պետնախարարն այցելել է Քաշաթաղի շրջանի հյուսիսային թև Ռոբերտ Քոչարյանի կալանքն այլընտրանքային խափանման միջոցը գրավով փոխարինելու մասին միջնորդությունը մերժվել է Արտախորհրդարանական ընդդիմությունը կարող է ուժեղանալ ու ազդել պրոցեսների վրա. Տիգրան Քոչարյան Չինաստանի տնտեսությունն աշխարհում երկրորդն է Երիտասարդը մուտք է գործել «ՍԱՍ» սուպերմարկետ և զենքի սպառնալիքով գումար պահանջել Մեյը կարող է ԵՄ-ի հետ գործարքից հանել Իռլանդիայի հետ սահմանին վերաբերող դրույթը. Sky News Ռուսաստանը չի մասնակցի Վարշավայում Մերձավոր Արեւելքի շուրջ կազմակերպվող հանդիպմանը Էդուարդ Շարմազանով.«Հերիք չի՞ աճպարարությամբ զբաղվեք, մինչեւ ե՞րբ եք մանիպուլյացիա անելու» «Լուսավոր Հայաստանը» շրջանառության մեջ է դրել 3 օրենսդրական նախագիծ Հայաստանը Բելառուսի համար եղել և մնում է հուսալի գործընկեր. Ալեքսանդր Լուկաշենկո Մինսկը պատրաստ է գործակցել Արեւմուտքի եւ Արեւելքի հետ. Լուկաշենկո Հանրապետությունում օդի ջերմաստիճանը կբարձրանա 4-5 աստիճանով Վահան Արծրունին ընտրվեց բժշկական համալսարանի հոգաբարձուների խորհրդի նախագահ Մեկնարկող ԵԽԽՎ նստաշրջանին Հայաստանը կմասնակցի պատվիրակության նոր կազմով Էրդողանը և Թրամփը պայմանավորվել են արագացնել Սիրիայի հարցով բանակցությունները ԲՀԿ-ական պատգամավորը մարզպետների պարգևատրումը կասկածելի է համարում Արցախում ճանապարհատրանսպորտային պատահարից զոհվել է 3 քաղաքացի Մեյը խորհրդարանին կներկայացնի Brexit-ի «Բ պլանը» ՀՀ տարածքում կան դժվարանցանելի և փակ ավտոճանապարհներ ՕՐՎԱ ԽՈՐՀՈՒՐԴԸ: Հունվարի 21 Դոնալդ Թրամփի և Կիմ Չեն Ընի երկրորդ հանդիպումը կկայանա փետրվարի վերջին Վարդենյաց լեռնանցքը դժվարանցանելի է Պետք է հարգել ժողովրդի ընտրությունը. Մերկելը Brexit-ի հետ կապված հայտարարություն է արել Փարիզում «դեղին բաճկոնների» ակցիայի 12 մարդ է ձերբակալվել ԵԱՏՄ անդամ երկրների վարչապետերը կքննարկեն գազի տարանցման գնի ձևավորման հարցը ԵԽԽՎ ձմեռային նստաշրջանին անդրադարձ կլինի ՀՀ-ում կայացած արտահերթ խորհրդարանական ընտրություններին Բաքվի ջարդերի վերաբերյալ չունենք որևէ պաշտոնական փաստաթուղթ, որտեղ կնշվի, որ դա ցեղասպանական քաղաքականության շարունակություն էր (Տեսանյութ) Քարոզչական պատերազմում մենք նույնքան պարտվելու իրավունք չունենք, որքան իրական պատերազմում. Միհրան Հակոբյան (տեսանյութ) Ադրբեջանը մեկ շաբաթում հրադադարի պահպանման ռեժիմը խախտել է շուրջ 180 անգամ
Խմբագրի ընտրություն
website by Sargssyan