Times.am | Հիմա «դուխով»-ի ժամանակ չէ, հիմա խելքով գործելու ժամանակն է. փորձագետը՝ ԿԳ նախարար-«Այբ»-Արամյան առճակատման մասին
AM | RU
USD
EUR
RUB

Հիմա «դուխով»-ի ժամանակ չէ, հիմա խելքով գործելու ժամանակն է. փորձագետը՝ ԿԳ նախարար-«Այբ»-Արամյան առճակատման մասին

 
 

ԵՐԵՎԱՆ, 25 ՄԱՅԻՍԻ, aysor.am: Մի քանի օր շարունակ ֆեյսբուք սոցիալական ցանցում կրթության, գիտության նախարար Արայիկ Հարությունյան-«Այբ»-Մեսրոպ քահանա Արամյան հեռակա առճակատում է, որն ուղեկցվում է նույնիսկ վիրավորանքներով։ Ամեն ինչ սկսվեց նախարարի «ֆեյսբուքյան ստատուսից». «Այբի հետ կապված... Հարգելիներս, այսօր հանձնարարել եմ կազմակերպել Արարատյան բակալավրիատի ֆինանսական աուդիտ: Դրա արդյունքներից հետո կխոսենք: Շարունակում եմ համարել, որ Սերժ Սարգսյանի նախկին խորհրդական Տեր Մեսրոպը հանրակրթության ոլորտին ամենամեծ վնասը հասցրած մարդկանցից է: Այսքանը...»։

Այս «ստատուսին» հետևեց Մեսրոպ քահանա Արամյանի հայտարարությունը՝ դարձյալ «ստատուսի» տեսքով, որտեղ Արամյանը ներկայացրել էր Արարատյան Բակալավրիատի մասին և պնդել. «Արարատյան բակալավրիատը Հայաստանի հանրակրթության ամենանշանակալից ձեռքբերումն է, որը տեսանելի է դարձրել մեզ համաշխարհային կրթության քարտեզի վրա, ամրագրել է հայերի` որպես հարատև կրթվող ազգ լինելու ճշմարտությունը և մեր երկրի զարգացման համար բացել մեծ հնարավորություններ: Սա հարստություն է, որը ո՛չ հնարավոր է անտեսել, ո՛չ էլ դրա կողքով անցնել»։

Երեկ էլ Արամյանն իր ֆեյսբուքյան էջում գրել էր «Հոգու կամ «дух»-ի մասին», ինչին հաջորդեց կրթության, գիտության նախարար Արայիկ Հարությունյանի դարձյալ «ֆեյսբուքյան ստատուսը»՝ «կրթական օլիգարխը խուճապի մեջ է»։

Քանի որ նախարարի խոսքում շոշափվում էր «Այբ»-ի մասին, այս հեռակա վեճին միջամտեց կրթահամալիրի տնօրեն Արամ Փախչանյանը, այնուհետև «Այբ» կրթական հիմնադրամը հանդես եկավ հայտարարությամբ։

«Տեղեկացնում ենք, որ ՀՀ ԿԳ նախարարի 2018 թ․ մայիսի 21-ի N 373-Ա հրամանով հանձնարարվել է (մեջբերում)․ ««Այբ» կրթական հիմնադրամում «Կրթության գերազանցության ազգային ծրագրի իրականացում» ծրագրի նախնական և ընթացիկ արդյունքների համապատասխանության գնահատման ուսումնասիրություն» իրականացնել, մինչդեռ ուսումնասիրությունը հանրային հարթակում ներկայացվել է որպես ֆինանսական աուդիտ։ Մասնավորապես մտահոգված ենք այն հանգամանքով, որ, դեռևս չունենալով ուսումնասիրության եզրակացությունը, տրվում Է կանխակալ որակում, որն ամենայն հավանականությամբ կարող է բացասական ազդեցություն ունենալ ստացվելիք եզրակացության անաչառության և օբյեկտիվության վրա», -ասված էր հիմնադրամի հայտարարության մեջ։

«Այբի» շուրջ այս աղմուկը հաճելի չի եղել նաև «Այբի» հիմնադիրներից Դավիդ Յանին, որը կնոջ հետ միասին խոշոր ներդրումներ են կատարել հաստատության կայացման մեջ։ «Եթե Արայիկ Հարությունյանը չփոխի իր վերաբերմունքը «Այբ» հիմնադրամի նկատմամբ ապա ես և կինս՝ Ալյոնան, մտադիր ենք վերանայել մեր բարեգործությունները Հայաստանի կրթական համակարգում»։

Շատերը տարօրինակ համարեցին նախարար Հարությունյանի նման վարքագիծը։

Կրթության փորձագետ Սերոբ Խաչատրյանը Aysor.am-ի թղթակցի հետ զրույցում նույնիսկ հիշեց ՀՀԿ-ԲՀԿ հակամարտությունը. «ՀՀԿ-ն հարձակվեց Ծառուկյանի վրա, երբ որևէ փաստ չկար, հետո նոր ասեցին՝ հանձնարարում են ստուգել Ծառուկյանի գործունեությունը։ Հանրությունը, անկախ նրանից՝ Ծառուկյանին հարգում էր, թե չէ, վատ ընդունեց դա։ Այդպես ճիշտ չէ։ Եթե կան ինչ-որ փաստեր, կարելի է դրանք հապարակել, ինչն ավելի համոզիչ կլիներ։ Եթե փաստեր չկան, կարծում եմ անձին հանրային պիտակավորելը ճիշտ չէ»։

Փորձագետի դիտարկմամբ՝ շարժման արդյունքում հանրության կողմից ստացված վստահությունը պետք է շատ զգուշորեն օգտագործել, հետևաբար, պետք է սպասել, ստանալ ուսումնասիրությունների արդյունքներ և հետո միայն հայտարարություններ անել։

«Չէի ուզենա այդպես սկսվեր նախարարի մուտքը կրթական համակարգ», - ասաց Սերոբ Խաչատրյանը։

Ինչ վերաբերում է թեժ վեճի առարկա դարձած «Արարատյան բակալավրիատ» ծրագրին, փորձագետի խոսքով, որոշ անվստահություն եղել է ծրագրի ընտրության հարցում՝ ինչպե՞ս, ի՞նչ չափորոշիչներով է այդ ծրագիրն ընտրվել։

«Այդ ծրագիրը թափանցիկ ձևով չի ընտրվել, և հիմա քանի որ այդ ծրագրին պետբյուջեից մեծ գումարներ են հատկացվում, դրա համար որոշ հարց կա։ Այս պահին այդ ծրագրով ընտրված են լավ ուսուցիչներ և կարծում եմ, որ կա հնարավորություն, որ նախարարությունը խելամիտ օգտագործի այդ ծրագիրը, որ շահենք բոլորս։ Ես մտածում եմ՝ եթե այդ ծրագիրը փակվի, արդեն խնդիր է, շատ վատ կլինի։ Դա մասնագիտական հարց է, և ես չէի ուզենա ֆեյսբուքներում, հրապարակներում ու անձերի վրա հարձակումներով լուծել», - նշեց Խաչատրյանը։

Նրա խոսքով՝ նախարար Արայիկ Հարությունյանի մոտ այս փուլում հետհեղափոխական ոգևորություն կա. «Ազարտ, ես կասեի, որից պետք է զերծ մնալ ու հիմա եկել է սթափ մտածելու, հավասարակշիռ քայլեր անելու ժամանակը։ Հիմա «դուխով»-ի ժամանակ չի, հիմա խելքով գործելու ժամանակն է»։

Լրահոս
Վարդան Բոստանջյանի պատգամավորական մանդատը փոխանցվեց Այծեմնիկ Օհանյանին Երևանում տեղի է ունենալու ՀԱՊԿ միացյալ շտաբի ներկայացուցիչների հերթական խորհրդակցությունը Մինսկում տեղի է ունենալու ԱՊՀ մասնակից պետությունների պաշտպանության նախարարների խորհրդին առընթեր նիստ Ռոբերտ Քոչարյանի գրասենյակի հայտարարությունը Հայաստանում չկա որևէ ուժ, որ ի վիճակի կլինի կանգնել ժողովրդի իշխանության առաջ. Նիկոլ Փաշինյան Լարիսա Ալավերդյանի կարծիքով, Ռոբերտ Քոչարյանին կալանավորելիս շտապել էին Հայաստանում օդի ջերմաստիճանը օգոստոսի 16-17-ին կբարձրանա Ռոբերտ Քոչարյանի մամուլի ասուլիսը տեղի չունեցավ Բողոքի ակցիայի մասնակիցները ներխուժեցին սրահ, որտեղ պետք է կայանա Ռոբերտ Քոչարյանի ասուլիսը Մեկնարկում է Ռոբերտ Քոչարյանի մամուլի ասուլիսը. ուղիղ Հայաստանը շարունակում է ձեռնարկել բոլոր միջոցները Ադրբեջանում գերեվարված Կարեն Ղազարյանին անվտանգ հայրենիք վերադարձնելու ուղղությամբ Նախիջևանյան ուղղությամբ ադրբեջանական ուժերի վերադիրքավորման փորձերն ամեն կերպ կանխվելու են. ՀՀ ԱԳՆ Ռոբերտ Քոչարյանն ազատ կարձակվի կալանքից Մհեր Մարգարյանը նշանակվել է ՄԱԿ-ում Հայաստանի մշտական ներկայացուցիչ Լևոն Տեր-Պետրոսյանն ու ՀԱԿ-ը պատրաստ են վկայություն տալ Մարտի 1-ի գործով. Արամ Մանուկյան Չավուշօղլու. «ԱՄՆ-ն պետք է իմանա, որ պատժամիջոցներոով և ճնշումներով Թուրքիայից չի կարող որևէ բան կորզել» Իրանի էներգետիկայի նախարարը հայտնել է ՀՀ տարածքով ՌԴ-ին էլեկտրաէներգիա մատակարարելու բանակցությունների մեկնարկի մասին Թուրքիայում շարունակվում է լիրայի արժեզրկումը. Էրդողանը կոչ է անում վաճառել դոլարներն ու եվրոները Վարչապետության 100 օր։ Ի՞նչ պատասխան տալ ժողովրդին Օդի ջերմաստիճանը կբարձրանա Նախիջևանյան ուղղությամբ ադրբեջանական սադրանքներին հայկական զինված ուժերը պատասխանել են կրակով «Լիդիան Արմենիա»-ի աշխատակիցները կառավարության շենքի դիմաց բողոքի ակցիա են կազմակերպել Քաղաքական պատրաստակամություն ենք հայտնել ԼՂ բանակցությունները կառուցողական հունով շարունակելու հարցում. Փաշինյան Անկարան դիմակայելու է ԱՄՆ-ի կողմից եկող սպառնալիքներին. Էրդողան Իրանի ուժայինները ոչնչացրել են 11 ահաբեկչի Հանրապետությունում օդի ջերմաստիճանն աստիճանաբար կբարձրանա 3-5 աստիճանով Կյանքից հեռացել է քանդակագործ Նիկոլայ Նիկողոսյանը Յուրի Խաչատուրովը մեղադրանքը չի մեկնաբանում ՀՀ-ի իմիջը չվնասելու համար, իսկ կալանքի որոշումը վիճարկում ենք. պաշտպան Քոչարյանի խափանման միջոցը փոխելու վերաքննիչ բողոքի քննությունն ավարտվեց, դատարանի որոշումը կհրապարակվի օգոստոսի 13-ին Վերաքննիչ դատարանում ավարտվեց Ռոբերտ Քոչարյանի կալանքի վերաբերյալ բողոքների քննությունը, որոշումը կհրապարակվի օգոստոսի 13-ին. փաստաբան Մտքի տեռոր է, մտահոգվելու, կարծիք, տեսակետ հայտնելու իրավունք չունե՞նք. Հրանտ Մարգարյան Դիանա Հովհաննիսյանը նշանակվել է Երևան քաղաքի առաջին ատյանի ընդհանուր իրավասության դատարանի դատավոր «Ժառանգություն»-ը կմասնակցի Երևանի ավագանու արտահերթ ընտրություններին Ներկրված թռչնամսում հայտնաբերվել են շեղումներ. որոշ խմբաքանակներ ճանաչվել են վտանգավոր և պիտանի չեն օգտագործման համար Վարչապետն անդրադարձել է Քոչարյանի գործով վերջին զարգացումներին և Լավրովի հայտարարությանը Համայնքներում կանաչ ենթակառուցվածքների ստեղծման ծրագիրը շարունակվում է Հնարավոր է նա ուժեղացնի «Փյունիկ»-ի կազմը, եթե ցանկանա. Անդրեյ Տալալաևը՝ Ալեքսանդր Կարապետյանի մասին Վերաքննիչ դատարանում շարունակվում է Ռոբերտ Քոչարյանի խափանման միջոցը փոխելու բողոքների քննությունը Վրաստանում ձյուն է տեղացել (տեսանյութ) Արա Գաբրիելյանն ազատվել է ՊԵԿ նախագահի տեղակալի պաշտոնից
Խմբագրի ընտրություն
website by Sargssyan