Իլոն Մասկն ունի բազմաթիվ անհայտ երեխաներ, որոնց մայրերին վճարում է հսկայական գումարներ

Իլոն Մասկը կարծում է, որ աշխարհը վտանգված է բնակչության թվի նվազման պատճառով և ձգտում է շտկել դա՝ «երկրագնդի վրա ցանելով բարձր ինտելեկտ ունեցող մեծ թվով մարդկանց»։ Նա ցանկանում է «ապոկալիպսիսից առաջ» հնարավորինս շատ երեխաներ ունենալ։

Մասկն ունի առնվազն 14 երեխա, որոնց մասին հայտնի է հրապարակայնորեն, սակայն իրականում նրանք շատ ավելին են: Նա նրանց անվանում է «Լեգիոն», գրում է The Wall Street Journal-ը ՝ հղում անելով իր աղբյուրներին։ Պարբերականի տվյալներով՝ միլիարդատերը կանանց վճարել է մինչև 15 միլիոն դոլար միանվագ գումար և 100 հազար դոլար ամսական աջակցություն լռության և հավատարմության համար: