Իսրայելը և Համասը պատանդներին և գերիներին կփոխանակեն փակ ձևաչափով

Իսրայելի և պաղեստինյան ՀԱՄԱՍ-ի միջև կնքված համաձայնագրով նախատեսված իսրայելցի պատանդների և պաղեստինցի գերիների փոխանակումը տեղի կունենա առանց լրատվամիջոցների մասնակցության: Այս մասին գրում է իսրայելական Kan հեռարձակողը։

«Պատանդների և գերիների փոխանակումը կիրականացվի համաձայնեցված մեխանիզմի համաձայն՝ միջնորդների և Կարմիր խաչի միջազգային կոմիտեի միջոցով, առանց որևէ հանրային արարողության կամ լրատվամիջոցների լուսաբանման», – ասվում է համաձայնագրում, որը Kan-ը հրապարակել է X սոցիալական ցանցում:

Փաստաթուղթը նախատեսում է, որ Իսրայելի զորքերը համաձայնեցված դիրքեր դուրս բերելուց անմիջապես հետո Համասը կազատի բոլոր կենդանի և մահացած պատանդներին: