Լեռնային Ղարաբաղի վերաբերյալ համաձայնագրերն արդիական են նաև այսօր. Զախարովա
Կարդացեք նաև
ՌԴ ԱԳՆ խոսնակ Մարիա Զախարովան հայտարարել է, որ Լեռնային Ղարաբաղի հակամարտության գոտում Երևանի, Բաքվի և Մոսկվայի միջև կնքված եռակողմ հրադադարի համաձայնագրերը շարունակում են արդիական մնալ։ Ռուսաստանը, իր հերթին, պատրաստ է շարունակել օգնել իր գործընկերներին փոխադարձաբար ընդունելի լուծման հասնելու հարցում։
«Ակնհայտ է, որ այսօր եռակողմ համաձայնագրերը (Լեռնային Ղարաբաղի հակամարտության գոտում հրադադարի վերաբերյալ ) չեն կորցրել իրենց արդիականությունը։ Ընդհակառակը, դրանք շարունակում են ձևավորել Բաքվի և Երևանի միջև խաղաղության գործընթացի ճանապարհային քարտեզը։ Մեր կողմից մենք պատրաստ ենք շարունակել մեր գործընկերներին տրամադրել այն օգնությունը, որը նրանց անհրաժեշտ է Հարավային Կովկասի երկրների և նրանց հարևանների շահերից բխող փոխադարձաբար ընդունելի լուծման հասնելու համար»,-ասել է Զախարովան։
Դիվանագետը շեշտել է, որ Ռուսաստանի արտաքին գործերի նախարարության ջանքերն ուղղված են տարածաշրջանում կայուն խաղաղության և բարգավաճման հասնելուն։ Նա նաև հիշեցրեց, որ Ռուսաստանի նախագահ Վլադիմիր Պուտինի անձնական ջանքերի շնորհիվ է, որ Լեռնային Ղարաբաղում արյունահեղությունը դադարեցվել է թե՛ 2020, թե՛ 2023 թվականներին։
Հետևեք մեզ նաև Telegram-ում