Ինչպե՞ս ենք վերականգնելու Հայաստանի տնտեսությունը և ի՞նչ ենք անելու փոքր բիզնեսի համար․ Արման Թաթոյան

«Միասնության թևեր» քաղաքական նախաձեռնության ղեկավար Արման Թաթոյանը գրում է․

«Ինչպե՞ս ենք վերականգնելու Հայաստանի տնտեսությունը և ի՞նչ ենք անելու փոքր բիզնեսի (օրինակ՝ փաստաբանների, վարսավիրների, հաշվապահների, փոքր խանութների, սրճարանների) համար։

Մենք առաջարկում ենք պարզ ու հասկանալի լուծում՝ 2 փուլով։

Առաջին փուլ — թեթևացնում ենք բեռը

Այս փուլում պարզապես հետ ենք բերում այն, ինչ աշխատում էր։

Չեղարկելու ենք 2025-ից ուժի մեջ մտած փոփոխությունները, որոնք ծանրացրել են փոքր բիզնեսի կյանքը:

Դրա արդյունքում՝ փոքր բիզնեսը (փաստաբանները, վարսավիրները, հաշվապահները, փոքր խանութներ, սրճարանները և այլն) նորից կվճարի ավելի քիչ հարկ, կվերանան անհասկանալի սահմանափակումները`

Մասնավորապես՝ մինչև 2025թ. փոքր բիզնեսը կարող էր ընտրել ավելի «թեթև» հարկային ռեժիմ, որի հնարավորությունը վերացվեց 2025թ. հունվարի 1-ից:

Երկրորդ փուլ — կառուցում ենք նոր, արդար համակարգ

Այստեղ արդեն համակարգային փոփոխություն ենք անում։

Փոխում ենք գործող համակարգը՝ դարձնելով պարզ ու արդար.

Շրջանառության հարկի փոխարեն ներդնում ենք վաճառքի հարկ` 5%:

Այսինքն՝ ինչքան վաճառում ես, այդքանից հստակ 5% ես վճարում, առանց բարդ հաշվարկների ու անորոշությունների:

Այսօրվա եկամտային հարկի 20% համահարթ հարկման փոխարեն ներդնում ենք պրոգրեսիվ (աճողական` 12-ից 28%) հարկման համակարգ:

Սա նշանակում է՝ ով քիչ է վաստակում՝ քիչ հարկ է վճարում, ով շատ է վաստակում՝ ավելի բարձր տոկոս է վճարում, փոքր բիզնեսում աշխատողների մեծ մասի համար հարկը լինելու է ավելի ցածր` մոտավորապես 12% կամ 18%, ոչ թե բարձր միասնական տոկոս:

Օրինակ՝ վարսավիրի, մատնահարդարի, սրճարանի աշխատողի, հաշվապահի կամ օնլայն ծառայություն մատուցողի համար հարկային բեռը իրականում կթեթևանա։

Այսինքն՝ համակարգը սահմանում է սոցիալական արդարություն:

Դավիթ Անանյանն ասուլիսում ներկայացրել է «Միասնության թևերի» մոտեցումները` պրոֆեսիոնալ ու հիմնավորված վերլուծությամբ»։

Հետևեք մեզ նաև Telegram-ում