Ֆալկաոն մարզվում է ուժեղացված ռեժիմով

«Մանչեսթեր Յունայթեդի» հարձակվող Ռադամել Ֆալկաոն ակումբի՝ Քարինգթոնում գտնվող մարզաբազայում աշխատում է ուժեղացված ռեժիմով, որպեսզի անհրաժեշտ մարզավիճակ հավաքի մինչև Անգլիայի առաջնության 12-րդ տուրի՝ «Արսենալի» դեմ խաղը, որը կայանալու է նոյեմբերի 22-ին։

28-ամյա հարձակվողը նոր է ապաքինվել վնասվածքից և չի հրավիրվել Կոլումբիայի հավաքական՝ մասնակցելու ԱՄՆ-ի և Սլովենիայի հավաքականների դեմ ընկերական հանդիպումներին։ Անգլիական լրատվամիջոցները հաղորդում են, որ Ֆալկաոն խրոնիկ խնդիրներ ունի ձախ ծնկի հետ, որոնք անհանգստացնում են նրան։