«Արսենալի» կիսապաշտպան Աարոն Ռեմսին կարծում է, որ շուտով կրկին կկարողանա լավ հանդես գալ: 23-ամյա ուելսեցին հայտարարել է, որ այժմ իր հասցեին հնչող քննադատությունն այնքան էլ արդարացի չէ:
«Մի քանի հանդիպումից հետո կկարողանամ իմ լավագույն խաղը ցուցադրել: Կարծում եմ` այժմ իմ հասցեին հնչող քննադատությունները մի փոքր անարդար են: Սակայն ես չեմ անհանգստանում. այս մրցաշրջանում մի քանի վնասվածքներ եմ ունեցել, բայց կարողացել եմ կազդուրվել: Անկեղծ կասեմ` ֆիզիկական տեսանկյունից դեռ 100% պատրաստ չեմ»,-Ռեմսիի խոսքը մեջբերված է «Goal.com»-ից:
