Նավթի գները նվազում են՝ Հորմուզի նեղուցի շուրջ սպասումների ֆոնին

Երեքշաբթի նավթի գները նվազում են՝ պայմանավորված այն սպասումներով, որ ԱՄՆ-ը կարող է թուլացնել Իրանի վերահսկողությունը Հորմուզի նեղուցի նկատմամբ և նպաստել այս ռազմավարական երթուղով տանկերների երթևեկության վերականգնմանը։

Լոնդոնի ICE Futures բորսայում Brent տեսակի նավթի հուլիսյան ֆյուչերսները նվազել են 1,21 դոլարով (1,06%)՝ հասնելով 113,23 դոլարի մեկ բարելի դիմաց։ Մինչ այդ, երկուշաբթի Brent-ը թանկացել էր 6,27 դոլարով (5,8%)՝ հասնելով 114,44 դոլարի։

Միևնույն ժամանակ, Նյու Յորքի NYMEX ապրանքային բորսայի էլեկտրոնային առևտրում WTI տեսակի նավթի հունիսյան ֆյուչերսները նվազել են 2,1 դոլարով (1,97%)՝ մինչև 104,32 դոլար մեկ բարելի համար։ Նախորդ առևտրային նստաշրջանի ընթացքում այդ պայմանագրի գինը աճել էր 4,48 դոլարով (4,4%)՝ հասնելով 106,42 դոլարի։

Հետևեք մեզ նաև Telegram-ում