Թրամփը չի հրաժարվել Իրանի հետ դիվանագիտական լուծման տարբերակից․ Wall Street Journal

Չնայած Իրանի դեմ նոր հարվածներ իրականացնելու հնարավորությանը, ԱՄՆ նախագահ Դոնալդ Թրամփը շարունակում է դիվանագիտական ուղին դիտարկել որպես ճգնաժամի կարգավորման կարևոր գործիք։ Այս մասին հայտնում է The Wall Street Journalը՝ հղում անելով ամերիկացի պաշտոնյաներին։

Աղբյուրների փոխանցմամբ՝ Սպիտակ տունը շարունակում է ձգտել Թեհրանի հետ միջուկային համաձայնագրի շուրջ բանակցությունների առաջընթացին։ Միաժամանակ Վաշինգտոնը ռազմական ճնշումը դիտարկում է որպես միջոց՝ Իրանի ղեկավարությանը զիջումների մղելու համար։

Պարբերականի տվյալներով՝ ԱՄՆ վարչակազմում կարծում են, որ ուժի ցուցադրումն ու ռազմական գործողությունների սպառնալիքը կարող են նպաստել բանակցային գործընթացում ավելի բարենպաստ պայմանների ստեղծմանը և արագացնել համաձայնության հասնելու հնարավորությունը։

Այսպիսով, Վաշինգտոնը ներկայումս փորձում է համատեղել դիվանագիտական և ռազմական լծակները՝ Իրանի նկատմամբ իր ռազմավարական նպատակներին հասնելու համար՝ չբացառելով ոչ բանակցությունները, ոչ էլ ուժային ճնշման մեխանիզմները։

Հետևեք մեզ նաև Telegram-ում