ԱՄՆ-Իրան հուշագրի մասին լուրերից հետո նավթի գները նվազել են

Նավթի համաշխարհային շուկայում գների անկում է գրանցվել այն բանից հետո, երբ տեղեկություններ տարածվեցին ԱՄՆ-ի և Իրանի միջև հուշագրի ստորագրման մասին։

Լոնդոնի ICE Futures բորսայում Brent տեսակի նավթի օգոստոսյան ֆյուչերսների արժեքը նվազել է 1,79 դոլարով կամ 2,25 տոկոսով՝ մեկ բարելի դիմաց հասնելով 77,76 դոլարի։

Միաժամանակ Նյու Յորքի ապրանքային բորսայի (NYMEX) էլեկտրոնային հարթակում WTI տեսակի նավթի հուլիսյան ֆյուչերսների գինը նվազել է 1,99 դոլարով կամ 2,59 տոկոսով՝ կազմելով մեկ բարելի դիմաց 74,80 դոլար։

Շուկայի մասնակիցները գների անկումը կապում են ԱՄՆ-ի և Իրանի միջև հնարավոր պայմանավորվածությունների շուրջ լավատեսության աճի հետ, ինչը կարող է ազդել համաշխարհային էներգետիկ շուկաների և նավթի մատակարարումների հեռանկարների վրա։

Հետևեք մեզ նաև Telegram-ում