Նավթի գները նվազում են համաշխարհային շուկաներում

Համաշխարհային շուկաներում նավթի գները շարունակում են նվազել։ Առևտրային տվյալների համաձայն՝ Brent տեսակի նավթի օգոստոսյան ֆյուչերսների գինը Լոնդոնի ICE Futures բորսայում նվազել է 0,34 դոլարով կամ 0,44%-ով՝ հասնելով մեկ բարելի դիմաց 77,56 դոլարի։

Միևնույն ժամանակ, WTI տեսակի նավթի օգոստոսյան ֆյուչերսները Նյու Յորքի ապրանքային բորսայի (NYMEX) էլեկտրոնային առևտրի հարթակում էժանացել են 0,13 դոլարով կամ 0,18%-ով՝ կազմելով մեկ բարելի դիմաց 73,73 դոլար։

Վերլուծաբանների գնահատմամբ՝ նավթի գների շարժը շարունակում է կախված մնալ համաշխարհային պահանջարկի, մատակարարման ծավալների և միջազգային քաղաքական զարգացումների ազդեցությունից։

Հետևեք մեզ նաև Telegram-ում