ԻՀՊԿ-ի հրամանատարը փետրվարից ի վեր առաջին անգամ հայտնվել է հանրության առաջ. AP

Իրանի Իսլամական հեղափոխության պահապանների կորպուսի (ԻՀՊԿ) հրամանատար, գեներալ Ահմադ Վահիդին մի քանի ամիս անց առաջին անգամ հրապարակավ հայտնվել է Թեհրանում։ Այդ մասին հայտնում է AP գործակալությունը։

Գործակալության տվյալներով՝ իրանական պետական լրատվամիջոցները հրապարակել են Վահիդիի լուսանկարները, որոնցում նա մասնակցում է Իրանի նախկին գերագույն առաջնորդ Ալի Խամենեիի բազմօրյա հուղարկավորության նախապատրաստական խորհրդակցությանը։ Մեկ այլ լուսանկարում նա նստած է Խամենեիի դագաղի կողքին՝ Թեհրանի կենտրոնում գտնվող նախկին նստավայրում անցկացված փակ արարողության ընթացքում։

AP-ն նշում է, որ Վահիդին վերջին անգամ հանրության առաջ հայտնվել էր փետրվարի 8-ին։ Գործակալության գնահատմամբ՝ նա համարվում է այն պաշտոնյաներից մեկը, որոնք մասնակցել են ԱՄՆ-ի հետ պատերազմի վերջնական դադարեցման շուրջ բանակցություններում Թեհրանի կոշտ դիրքորոշման ձևավորմանը։

Հետևեք մեզ նաև Telegram-ում