Մադրիդի «Ռեալի» գլխավոր մարզիչ Կարլո Անչելոտին շատ ուրախ է Իսպանիայի առաջնության 13-րդ տուրում «Մալագայի» նկատմամբ տոնած հաղթանակի և ակումբային ռեկորդի սահմանման կապակցությամբ:
2:1 հաշվով տոնած հաղթանակը «Ռեալի» համար այս մրցաշրջանում 16-րդ անընդմեջն հաղթանակն էր. ակումբի 112-ամյա պատմության ընթացքում նման ցուցանիշ դեռևս չէր գրանցվել:
«Ես երջանիկ եմ: Սա երազի է նման: Շատ ուրախ ենք նման հաղթարշավի կապակցությամբ: Հույս ունեմ` կկարողանանք շարունակել: Իմ բախտը բերել է` ֆանտաստիկ ակումբում ֆանտաստիկ ֆուտբոլիստներով ֆանտաստիկ թիմի եմ մարզում: Ես հպարտանում եմ իմ սաներով, բայց սա միայն երկար մրցաշրջանի մի հատվածն է»,-իտալացի մասնագետի խոսքը մեջբերված է «AS»-ից:
