Վրաստանի ներքին գործերի նախարար Ալեքսանդր Չիկաձեն աշխատանքային այցով դեկտեմբերի 1-ին կժամանի Երեւան եւ այցի շրջանակում կհանդիպի ՀՀ Նախագահ Սերժ Սարգսյանին: Ինչպես հաղորդում է «Արմենպրես»-ը` վկայակոչելով «Գրուզիա օնլայն»-ը, Չիկաձեն կհանդիպի նաեւ Հայաստանի ոստիկանապետ Վլադիմիր Գասպարյանին, արտակարգ իրավիճակների նախարար Արմեն Երիցյանին եւ Ազգային անվտանգության ծառայության պետին:
Այցի նպատակն է երկկողմ համագործակցությանը նվիրված հարցերի քննարկումը: Չիկաձեի այցը Հայաստան կավարտվի դեկտեմբերի 2-ին:
