Փաշինյան-ֆոն դեր Լայեն հանդիպումը Նյու Յորքում․ ԵՄ-ն նոր ծրագրեր է պատրաստում Հայաստանի համար

ՄԱԿ-ի Գլխավոր վեհաժողովի շրջանակում Նյու Յորքում կայացել է Նիկոլ Փաշինյանի և Եվրոպական հանձնաժողովի նախագահ Ուրսուլա ֆոն դեր Լայենի հանդիպումը:

Ըստ կառավարության տարածած հաղորդագրության՝ կողմերը քննարկել են Հայաստան-ԵՄ համագործակցության օրակարգը և տնտեսության դիվերսիֆիկացմանը վերաբերող հարցեր: Փաշինյանը խոսել է այդ գործընթացում ԵՄ աջակցության, ինչպես նաև ժողովրդավարական բարեփոխումներին ցուցաբերվող օժանդակության մասին:

Ուրսուլա ֆոն դեր Լայենը հայտարարել է, որ Եվրոպական միությունը կշարունակի աջակցել ՀՀ իշխանությունների ծրագրերին և տարբեր ոլորտներում գործակցության զարգացմանը: Հանդիպման ընթացքում անդրադարձ է կատարվել նաև տարածաշրջանային հարցերի: Այլ մանրամասներ պաշտոնապես չեն հաղորդվում:

Հիշեցնենք, որ ավելի վաղ Երևանում կայացած ասուլիսի ժամանակ ֆոն դեր Լայենը հայտարարել էր Հարավային Կովկասում ենթակառուցվածքային ներդրումների համար մինչև 2 միլիարդ եվրո ուղղելու, ինչպես նաև Հայաստանի առևտրի դիվերսիֆիկացման նպատակով լրացուցիչ 18 միլիոն եվրո տրամադրելու պլանների մասին:

Հետևեք մեզ նաև Telegram-ում