Թուրքիան, Սաուդյան Արաբիան և Պակիստանը քննարկում են Եմենում ռազմական գործողություններն ու Իրանի առաջարկը

Թուրքիայի, Սաուդյան Արաբիայի և Պակիստանի միջև կնքված «Մեքքայի պաշտպանական դաշինքի» հանձնաժողովը երկուշաբթի օրը բանակցություններ է անցկացնում Էր Ռիադում: Այս մասին հայտնել է Թուրքիայի արտաքին գործերի նախարարությունը:

Բանակցություններին մասնակցում են Թուրքիայի արտգործնախարար Հաքան Ֆիդանը, պաշտպանության նախարար Յաշար Գյուլերը և Զինված ուժերի գլխավոր շտաբի պետ, գեներալ Սելչուկ Բայրաքթարօղլուն, ինչպես նաև Պակիստանի և Սաուդյան Արաբիայի բարձրաստիճան պաշտոնյաները:

«Հանդիպմանը կքննարկվեն տարածաշրջանի վերջին զարգացումները և Դաշինքի ինստիտուցիոնալացման ջանքերի ընթացքը»,- ասված է Թուրքիայի ԱԳՆ հայտարարության մեջ:

Հանդիպումը տեղի է ունենում տարածաշրջանային լարվածության ակտիվացման ֆոնին: Սաուդյան Արաբիայի կողմից աջակցվող Եմենի կառավարության ղեկավարը հայտարարել է Իրանի կողմից աջակցվող հուսիների դեմ լայնամասշտաբ ռազմական գործողության մեկնարկի մասին, որի նպատակն է ազատագրել նրանց վերահսկողության տակ գտնվող տարածքները:

Բացի այդ, Պակիստանի արտգործնախարարը հայտնել է, որ Իրանն առաջարկել է քաղաքական երկխոսություն սկսել եմենյան հուսիների հետ նրանց հարձակումներից հետո: Այս առաջարկը նույնպես ընդգրկված է «Մեքքայի պաշտպանական դաշինքի» էրրիադյան հանդիպման օրակարգում:

Հետևեք մեզ նաև Telegram-ում