Հայաստանի և Իրանի միջև համագործակցության ընդլայնման հեռանկարները. Նիկոլ Փաշինյանն ընդունել է ԻԻՀ փոխնախագահին
Կարդացեք նաև
Նիկոլ Փաշինյանն ընդունել է Իրանի Իսլամական Հանրապետության նախագահի տեղակալ Սեյեդ Համիդ Փուրմոհամմադիի գլխավորած պատվիրակությանը։ Հանդիպման ընթացքում քննարկվել են հայ-իրանական երկկողմ օրակարգին, տնտեսական գործակցությանը և տարածաշրջանային ենթակառուցվածքների զարգացմանը վերաբերող առանցքային հարցեր։
Կառավարության ղեկավարը ողջունել է Իրանի փոխնախագահի այցը՝ կարևորելով Հայաստան–Իրան միջկառավարական հանձնաժողովի արդյունավետ գործունեությունը։ Նիկոլ Փաշինյանը նշել է, որ երկու երկրները հաջողությամբ իրականացնում են համատեղ ծրագրեր տարբեր ուղղություններով, ինչը մեծապես նպաստում է երկկողմ կապերի զարգացմանն ու ընդլայնմանը։
Իր հերթին Սեյեդ Համիդ Փուրմոհամմադին Նիկոլ Փաշինյանին է փոխանցել ԻԻՀ նախագահ Մասուդ Փեզեշքիանի ջերմ ողջույնները և ընդգծել Հայաստանի հետ փոխգործակցության խորացման ուղղությամբ Թեհրանի հանձնառությունը։
Զրուցակիցները մանրամասն անդրադարձել են Հայաստան–Իրան սահմանային ենթակառուցվածքների զարգացմանը, ճանապարհաշինական համատեղ նախագծերին, ինչպես նաև էներգետիկայի, գյուղատնտեսության և փոխադարձ հետաքրքրություն ներկայացնող այլ ոլորտներում համագործակցության օրակարգին։
Կողմերը մտքեր են փոխանակել նաև տարածաշրջանային հաղորդուղիների ապաշրջափակման գործընթացների և դրանց արդյունքում բացվող նոր հնարավորությունների շուրջ։
Հետևեք մեզ նաև Telegram-ում