Աբու Դաբիում ավարտվել են ուկրաինական կարգավորման շուրջ եռակողմ բանակցությունները
Կարդացեք նաև
Աբու Դաբիում ավարտվել են ուկրաինական կարգավորման շուրջ եռակողմ բանակցությունները, որոնց արդյունքները մոտ ժամանակներս կամփոփվեն ռուսական պատվիրակության մամուլի ասուլիսում։
Ռուսաստանի, ԱՄՆ-ի և Ուկրաինայի մասնակցությամբ հանդիպումները տևել են երկու օր և անցկացվել փակ ռեժիմով։ Երկրորդ օրը կողմերը զրուցել են շուրջ մեկուկես ժամ, իսկ առաջին օրը հանդիպումը տևել էր մոտ չորս ժամ։ Եթե սկզբում նախատեսված էր բաց արարողակարգային մաս, ապա հաջորդ օրը լրատվամիջոցներին չեն թույլատրել մասնակցել։
Ռուսական պատվիրակությունը գլխավորել է ՌԴ նախագահի օգնական Վլադիմիր Մեդինսկին։ Կազմում ընդգրկված են եղել նաև Սերգեյ Ռյաբկովը, Միխայիլ Գալուզինը, Իգոր Կոստյուկովը, Ալեքսեյ Կոմկովը և այլ պաշտոնյաներ ու փորձագետներ։ ԱՄՆ-ի կողմից բանակցություններին մասնակցել են ԱՄՆ նախագահի հատուկ ներկայացուցիչներ Սթիվ Ուիտկոֆֆը և Ջարեդ Քուշները։
Հետևեք մեզ նաև Telegram-ում