Վարդան ջան, մասնագիտական տեքստը հրաշալի կարող է լինել, բայց քաղաքական նպատակը ստոր և իշխանապաշտ. Րաֆֆի Հովհաննիսյան
Նմանատիպ
Այսօր «Ժառանգություն» կուսակցության առաջնորդ, 2013թ. նախագահական ընտրություններում փաստացի եւ՝ իրավամբ նախագահ ընտրված Րաֆֆի Կ. Հովհաննիսյանը պաշտոնական իր ձայնն ավելացրեց չընտրված թեկնածուի առաջարկած նոր Սահմանադրության դեմ արտահայտվող միլիոնավոր հայաստանցիների և հայերի համաժողովրդական վերաբերմունքին: Այս մասին ասված է «Ժառանգություն» կուսակցության տարածած հայտարարության մեջ. «Դատապարտելով մեր ժողովրդին եւ նրա արժանապատվությանն ուղղված` Մայր օրենքի այս մարտնչող հեգնանքն ու կամայականությունը, ինչպես նաեւ հավատ տածելով «Միացյալ օրակարգ-միացյալ հրապարակ» հրամայական բանաձեւի հանդեպ, Հովհաննիսյանն իր հիմնադրած բոլոր հանրակարգերի միջոցները դրեց ազատ, ինքնիշխան եւ սահմանադրական Հայաստանի կերտմանը նվիրված ուժերի, առաջին հերթին` «Նոր Հայաստան» փրկության ճակատի, ապաեւ «Չեք անցկացնի» երիտասարդական նախաձեռնության տրամադրության տակ»:
«Միմիայն միավորված ուժերով եւ անշահախնդիր, հետեւողական պայքարով կարելի է ըստ էության մերժել Հայաստանի Հանրապետության դեմ գուբերնիա-կուսակցապետություն սարքելու սույն ապօրինի, ինքնահավան եւ փակ-բաժնետիրական բնույթի ձեռնարկը: Դեկտեմբերի 6-ը պետք է դառնա Նոր Հայաստանի կերտման վճռորոշ հանգրվան», –հայտարարության մեջ ասել է Հովհաննիսյանը:
Րաֆֆի Հովհաննիսյանը նաև թողել է հետգրություն.
«Վարդան ջան, մասնագիտական տեքստը հրաշալի կարող է լինել, բայց խիստ ցավոք, քաղաքական նպատակը ստոր է ու իշխանապաշտ եւ ոչ ամենևին՝ քո բարձր պարկեշտությանը հարիր: Կներեք» :
Հետևեք մեզ նաև Telegram-ում