ՉԼ. «Բենֆիկան» նվազագույն հաշվով հաղթեց «Զենիթին» (տեսանյութ)

Չեմպիոնների լիգայի 1/8 եզրափակիչ փուլի առաջին խաղում «Բենֆիկան» նվազագույն հաշվով առավելության հասավ «Զենիթի» նկատմամբ:

Լիսաբոնի «Դա Լուշ» մարզադաշտում կայացած հանդիպման առաջին կեսն անցավ հավասար պայքարում: Երկրորդ կեսում պատկերն էականորեն չփոխվեց, սակայն խաղի վերջնամասն ուշագրավ ստացվեց. 90-րդ րոպեին երկրորդ դեղին քարտը ստանալով՝ խաղադաշտից հեռացվեց Կրիշիտոն, իսկ մեկ րոպե անց Ժոնասը դարձավ հաղթական գոլի հեղինակ:

Պատասխան հանդիպումը կայանալու է մարտի 9-ին, Սանկտ-Պետերբուրգում:

Չեմպիոնների լիգա, 1/8 եզրափակիչ, առաջին խաղ

«Բենֆիկա» – «Զենիթ»՝ 1:0
Գոլը՝ Ժոնաս 90+1′
Հեռացում՝ Կրիշիտո 90′