«Հրապարակ». «Հորս կառուցած տունն ա, ի՞նչ ես ուզում, այ տղա». Արամ Հարությունյանը՝ լրագրողին
Նմանատիպ
Ջրային տնտեսության պետական կոմիտեի պետ, նախկին նախարար ու նախկին մարզպետ Արամ Հարությունյանը լրագրողներին երևի իր ենթակաների հետ է շփոթել։ Նրան թվում է, թե մեզ հետ կարող է ինչպես ցանկանա, այնպես խոսի, մուննաթ գա, վիրավորի, էլ չենք ասում՝ հայհոյի, բացահայտ ստի մեջ մեղադրի, հանդիմանի։ Որ ձեռքը ճար լինի, երևի կհարձակվի մեզ վրա ու հում-հում «կհոշոտի»: Երեկ Արամ Հարությունյանին դուր չի եկել կոռուպցիայի և իր ունեցվածքի վերաբերյալ «Հրապարակ»-ի հարցերը, ու նա որոշել է «քֆուր դնել» իրեն նման հարցեր տալու առիթով։ Մինչդեռ հարցերը բացառապես վերաբերում էին նրա հայտարարագրած և մամուլով հրապարակված ունեցվածքին։
«Հրապարակ»-ի տեղեկություններով՝ նրան են պատկանում «Հայպետնախագծի» բաժնետոմսերի վերահսկիչ փաթեթը, հայրենի Եղվարդում շինարարական կազմակերպություն, նա մասնաբաժին ունի նաև ձկնաբուծական բիզնեսում, շքեղ առանձնատուն կառավարության սիրելի թաղում՝ Մոնումենտի տարածքում, բնակարան Փարպեցի փողոցում։
– Պարոն Հարությունյան, Ձեր խիղճը հանգի՞ստ է այս հարցում, մասնավորապես՝ Ձեր ունեցվածքի և դրանում որևէ կոռուպցիոն ռիսկ չպարունակելու հարցում: Եթե վարչապետը որոշի ստուգել Ձեր ունեցվածքն ու դրանց աղբյուրները, Դուք կարո՞ղ եք պարզերես կանգնել և թափանցիկ ներկայացնել դրանք:
– Ամենաանհեթեթ հարցն է, հասկանո՞ւմ եք: Եթե ներկայացվում է հայտարարագիր, ուրեմն ուղղակի պետք է կարդաս հայտարարագիրն ու աղբյուրը տեսնես:
– Մենք կարդում ենք ու չենք հասկանում՝ ինչպե՞ս է պետական պաշտոնյան միջին աշխատավարձով շքեղ դղյակներ կառուցում, հսկայական ունեցվածք կուտակում:
– Ուրեմն Ձեզ խնդրում եմ, իմ հայտարարագիրը վերցրեք, ես Ձեզ կբացատրեմ, որ Ձեր գլուխը մտնի:
– Իմ գլուխը մտցնելու կարիք չկա: Դուք Եղվարդում հսկայական առանձնատուն ունեք, դա, օրինակ, ի՞նչ միջոցներով եք կառուցել:
– Հիմի որ ասեմ, ստի՞… (այս մասը նա արդեն ցածրաձայն ասաց, որ ձայնագրիչի մեջ չլսվի):
– Ի՞նչ…
-Դուք տեսե՞լ եք իմ առանձնատունը:
– Ես լսել եմ, որ նման տուն ունեք այնտեղ:
– Հիմի, որ ասեմ՝ ստի… (ու նորից՝ նույնը): Հորս կառուցած տունն ա, ի՞նչ ես ուզում, այ տղա:
Մանրամասները՝ թերթի այսօրվա համարում:
Հետևեք մեզ նաև Telegram-ում