Անգլիայի հավաքականի նախկին դարպասապահ Դևիդ Ջեյմսը հայտարարել է, որ թիմին պետք է արտասահմանցի մարզիչ:
-Մենք ունենք լավ ֆուտբոլիստներ, բայց նրանց մեծ մասն իրենց ակումբերում խաղում են արտասամանցի մարզիչների գլխավորությամբ, իսկ հավաքականի անգլիացի մարզիչը փորձում է անգլիական ոճով կառուցել թիմի խաղը։ Արդյունքում ամեն ինչ ավարտվում է այնպես, ինչպես 2014-ին և 2016-ին։
Կարծում եմ՝ հավաքականին պետք է արտասահմանցի մարզիչ, ով կկարողանա ընտրել ֆուտբոլիստներին համապատասխան խաղաոճ։ Միայն այդպես մենք կկարողանանք ավելի բարձր արդյունքների հասնել, -նշել է Ջեյմսը։
Եվրոպայի ընթացիկ առաջնության 1/8 եզրափակչում Անգլիայի հավաքականը զիջեց (1։2) Իսլանդիայի ընտրանուն և դուրս մնաց հետագա պայքարից, ինչից հետո հավաքականի մարզիչ Ռոյ Հոջսոնը հեռացավ զբաղեցրած պաշտոնից:
