Քիչ առաջ Ազատության հրապարակ է այցելել «Ազատություն» կուսակցության նախագահ, ՀՀ նախկին վարչապետ Հրանտ Բագրատյանը՝ իր զորակցությունը հայտնելու Րաֆֆի Հովհաննիսյանին:
Նշենք, որ «Ժառանգություն» կուսակցության առաջնորդ Րաֆֆի Հովհաննիսյանն արդեն 6-րդ օրը հացադուլի մեջ է գտնվում: Նրան այս ընթացքում այցելել են մի շարք քաղաքական և հասարակական գործիչներ, նա շարունակ առաջարկներ և նամակներ է ստանում տարբեր քաղաքացիներից:
Հիշեցնենք, որ այսօր երեկոյան ժամը 17:00-ին նախատեսվում է հերթական հանրահավաքը, որի ժամանակ ի մի կբերվեն հետագա անելիքները:
