«Նիկոլ Փաշինյանը նորից Ազատության հրապարակում է և այս անգամ «ՀԱԿմեջ» է անում «Ժառանգություն» կուսակցության նախագահ Րաֆֆի Հովհաննիսյանի անհայտ ուղղությամբ գնացող շարժումը,- գրում է «Իրավունքը»’ հիշեցնելով, որ մարտի 17-ին Ն. Փաշինյանը հրապարակեց իր առաջարկած ստվերային կառավարության 70 պոտենցիալ անդամների անունները: Թերթը թեմայի շուրջ մեկնաբանություն է խնդրել ԱԺ «Ժառանգություն» խմբակցության պատգամավոր Թևան Պողոսյանից: «Րաֆֆի Հովհաննիսյանը որոշ չափով ազատ է դիտարկում այն, որ մարդիկ իրենց կարծիքներն են արտահայտում: Ըստ իս’ այսօրվա դրությամբ, ինքը կարող է ձևավորել մի հետաքրքրի գաղափար և ուղղակի քննարկել հարցերի շրջանակները, թե ովքեր կարող են ինչ-որ չափով ծառայություն մատուցել ՀՀ զարգացմանը»,-նշել է Պողոսյանը:
Ի պատասխան թերթի այն դիտարկմանը, թե արդեն որոշ կոչեր են հնչում որ Ն. Փաշինյանին պետք է հեռացնեն Ազատություն հրապարակից, քանի որ նա Հովհաննիսյանի շարժումը անհայտ ուղղությամբ է տանում, Թևան Պողոսյանը նշել է. «Նույնպիսի կարծիք է, որ կարող է գոյություն ունենալ, կամ չունենալ»:
