Գերմանիայի տարածքում Թուրքիայում մահապատժի օրինականացման վերաբերյալ քարոզարշավն արգելվելու է. Մերկել
Նմանատիպ
Գերմանիայի կանցլեր Անգելա Մերկելը հայտնել է, որ Գերմանիան արգելելու է իր տարածքում Թուրքիայում մահապատժի օրինականացմանն ուղղված օրենքի ընդունման շուրջ Թուրքիայի գերմանաբնակ քաղաքացիների շրջանում քարոզարշավի անցկացումը:
Այս մասին, ինչպես հաղորդում է «Արմենպրես»-ը, հայտնում է թուրքական Diken պարբերականը:
«Այսպիսի թեմայով Գերմանիայի տարածքում քարոզարշավի անցկացման թույլտվություն չի տրվելու»,- ասել է Մերկելը:
Գերմանիայի կառավարության մամուլի խոսնակ Շտեֆեն Շեիբերտը հայտնել էր, որ Դաշնային կառավարությունը արգելելու է Թուրքիայում մահապատժի օրինականացմանն ուղղված հանրաքվեի անցկացումն իր տարածքում:
Գերմանիայի վարչապետի թեկնածու Սոցիալ- դեմոկրատական կուսակցության նախագահ Մարտին Շուլցն էլ նշել էր, որ Գերմանիայում բնակվող Թուրքիայի քաղաքացիների համար այդ հանրաքվեի կազմակերպումն անհավանական է:
Հետևեք մեզ նաև Telegram-ում