«Հրապարակ». Երեկ քաղաքապետարանում տեղի ունեցած ակցիայի հետևանքով աշխատակազմի քարտուղար Ս. Մակարյանի սիրտը շտապ ստենտավորել են

«Երեկ քաղաքապետարանում տեղի ունեցած ակցիայի արդյունքում, երբ ակտիվիստները ներխուժել են շենք, նրանց դեմը փորձել են կտրել ինչպես ոստիկանները, այնպես էլ քաղաքապետա­րանի պաշտոնյաները: Նրանց մեջ է եղել նաև աշ­խատակազմի քարտուղար Սերգեյ Մակարյանը, ում ինքնազգացողությունը քաշքշուքից վատացել է: Նրան տեղափոխել են Նորք-Մարաշի սրտաբա­նական հիվանդանոց: Մենք տեղեկացանք, որ Մակարյանի սիրտը շտապ ստենտավորել են: Այժմ վիճակը լավ է: Սերգեյ Մակարյանն առանց այդ էլ սրտի հետ կապված խնդիր է ունեցել, նախկինում էլ է սիրտը ստենտավորված եղել, իսկ երեկվա մի­ջադեպի հետևանքով վիճակը կրկին սրվել է»,-գրում է թերթը:

Նյութն ամբողջությամբ կարդացեք թերթի այսօրվա համարում: