Չավի․ Բարսելոնան իմ գլխավոր նպատակն է, բայց պետք է հարգել Սետյենին

ԵՐԵՎԱՆ, 28 ՀՈՒLԻՍԻ, ArmSport.am: «Բարսելոնայի» նախկին ֆուտբոլիստ, ներկայում «Ալ-Սադդ» ակումբի գլխավոր մարզիչ Չավին մեկնաբանել է կատալոնական ակումբը գլխավորելու լուրերը։

«Ես չեմ թաքցնում, որ իմ գլխավոր նպատակը «Բարսելոնան» է, երբ ժամանակը գա։ Այն իմ տունն է, ու դա երազանքի իրականացում կլինի ինձ համար։ Բայց ես հիմա կենտրոնացած եմ «Ալ-Սադդի» վրա։ Ամենից առաջ պետք է հարգել Սետյենին։ Ես թիմին լավագույնն եմ մաղթում։

«Բարսելոնայի» խաղը երբեմն լավն է, երբեմն շատ լավն է, իսկ երբեմն՝ ոչ այդքան։ Սակայն ինձ դուր է գալիս Սետյենի գաղափարները, նաև իր նախկին թիմերում»,- Չավիի խոսքն է մեջբերում Marca-ն։

Հիշեցնենք, որ Չավին «Բարսելոնան» գլխավորելու գլխավոր թեկնածուն է։ Վերջերս նա երկարաձգել է պայմանագիրը «Ալ-Սադդի» հետ։