Յայա Տուրե. Երբեք չեմ ցանկացել տեղափոխվել «Ռեալ», քանի որ «Բարսելոնայի» երկրպագու եմ

«Մանչեսթեր Սիթիի» կիսապաշտպան Յայա Տուրեն նշել է, որ երբեք չի ցանկացել տեղափոխվել Մադրիդի «Ռեալ», հաղորդում է իսպանական մամուլը:

Ֆուտբոլիստի խոսքերով’ իր բարսելոնյան անցյալը իր համար մեծ նշանակություն ունի:

-Ես երբեք չեմ ցանկացել տեղափոխվել «Ռեալ», քանի որ արդեն երկար տարիներ «Բարսելոնայի» երկրպագու եմ: Իհարկե, «Ռեալը» մեծագույն ակումբ է, սակայն «Բարսելոնայի» դեմ խաղալը ինձ համար դժվար կլիներ: «Բարսան» միշտ ամենակարևորն է եղել ինձ համար: Այդ ակումբը օրինակ է ծառայում բոլորի համար’ շնորհիվ իր խաղացողների, անձնակազմի ու երկրպագուների: Ինձ համար այն աշխարհի լավագույն ակումբն է,- ասել է կոտդիվուարցին: