23.1 C
Yerevan

Goal.com-ի ծաղրանկարիչ Օմար Մոմանիի հարցազրույցը` Allsport.am-ին

Նմանատիպ

Ֆուտբոլային սերնդափոխություն․ լավագույնները հեռանում են

2022-23թթ-ի մրցաշրջանը շրջադարձային ստացվեց համաշխարհային ֆուտբոլի համար։ Մի շարք...

Մեսսին հեռանում է Եվրոպայից

«Պարի Սեն Ժերմենից» հեռանալուց հետո Լիոնել Մեսսին որոշել է...

Ջոկովիչը հաղթեց Կարեն Խաչանովին

Թենիսի Ռոլան Գարոսի մրցաշարի քառորդ եզրափակչում Ռուսաստանը ներկայացնող հայազգի...

Հաշվի առնելով, որ մեր ընթերցողները մեծ ոգևորությամբ են ընդունում և քննարկում աշխարհահռչակ Goal.com կայքի հանրահայտ ծաղրանկարիչ Օմար Մոմանիի աշխատանքները’ վերջինիս գործունեության մասին Allsport.am-ը զրուցեց անձամբ Օմարի հետ:

-Հայ մարզասերների շրջանում բավականին հայտնի ես, Հայաստանում շատ են սիրում քո ծաղրանկարները: Իսկ դու որևէ բան գիտե՞ս Հայաստանի կամ հայկական ֆուտբոլի մասին:

-Ես շատ բան գիտեմ Հայաստանի մասին. Հայաստանն ունի շատ հարուստ -պատմություն՝ սկսած մարդու ծագման պահից: Համաշխարհային բանահյուսության, առասպելների և կերակրատեսակների մեծ մասը Հայաստանից է: Բացի այդ իմ երկրում՝ Հորդանանում, կան շատ հայկական համայնքներ, և ես այնտեղ ունեմ շատ ընկերներ:

Հայաստանյան ֆուտբոլի մասին քիչ տեղեկություն ունեմ: Ես միայն գիտեմ «Շախտյորի» աստղ Հենրիխ Մխիթարյանին և հայկական ծագումով մի քանի ֆրանսիացի խաղացողների’ Յուրի Ջորկաեֆին և Բողոսսյանին:

-Գիտենք, որ նախքան Goal.com–ում աշխատելը մուլտիպլիկատոր ես եղել հեռուստատեսության ոլորտում: Կպատմե՞ս’ ինչպես ստացվեց սպորտային կայքում աշխատանքի անցնելը:

-Իմ երազանքն է եղել աշխատել MAD ամսագրում՝ որպես ֆուտբոլի սպորտային ծաղրանկարիչ: Բայց քանի որ MAD-ը ավելի շատ ամերիկյան լսարանի համար էր, ովքեր կենտրոնացած չէին ֆուտբոլի վրա, ես որոշեցի փնտրել մեկ այլ մեդիա, որը ֆուտբոլի հանդեպ ունի նման սարկազմային հայացք, ինչպիսին Goal.com-ը:

Ես միշտ սիրել եմ նրանց հատկանիշներն ու հոդվածները, և տեսա, որ կարող եմ նրանց թիմում լինել: Այսպիսով, ես կապվեցի նրանց հետ և ցույց տվեցի որոշ նմուշներ: Սկզբում իմ աշխատանքները տպագրվում էին արաբական և կորեական հրապարակումներում, բայց մեկ տարի անց իմ ծաղրանկարները տեղադրվեցին Goal.com-ի բոլոր հրապարակումներում:

-Ունե՞ս ծաղրանկարներ, որ հատկապես սիրելի են քեզ համար:

-Բոլորն էլ սիրում եմ: Դժվար է ընտրել, թե դրանցից որն եմ շատ սիրում, քանի որ ամեն օր դրանք նկարելիս հավասարապես տալիս եմ իմ բոլոր ջանքերն ու կիրքը:

-Անգլիայի առաջնության վերաբերյալ քո ծաղրանկարները կարծես թե ավելի շատ են: Ինչո՞վ է դա պայմանավորված. Պրեմիեր լիգան շա՞տ է ոգեշնչում:

-Ես մեծապես կենտրոնանում եմ Եվրոպայի 4 լիգաների վրա, որոնք են իսպանականը, անգլիականը, գերմանականն ու իտալականը: Բայց ամենաշատը Պրեմիեր լիգայի վրա, որովհետև այն ամենամեծ լսարանն ու աջակիցներն ունի աշխարհում:

-Ունե՞ս քո սիրելի ֆուտբոլային ծաղրանկարային կերպարը:

-Անկասկած, ես սիրում եմ շատերին նկարել: Ամենաշատը նկարում եմ Վենգերին, Մեսսիին, Բեյլին, Ֆերգյուսոնին, Գալլիանիին և Իբրային: Ես սիրում եմ նկարել խաղացողներին ծիծաղելի հատկանիշներով, ինչպես՝ նրանց մազերը կամ քիթ:

-Սովորաբար որքա՞ն ժամանակ ես ծախսում մեկ աշխատանքի վրա:

-Դա կախված է ծաղրանկարի բարդությունից, բայց այն խլում է միջինը 2-4 ժամ:

-Կա՞ն այնպիսի թիմեր, որոնց վերաբերյալ ծաղրանկարներ չես պատրաստի:

-Ոչ, չկան: Կպատրաստեմ բոլորի վերաբերյալ, եթե բովանդակությունը չվնասի մարդկանց:

-Օմար, հաշվե՞լ ես’ որ թիմի վերաբերյալ ավելի շատ ծաղրանկարներ ունես

-Միգուցե, «Չելսի», ես կռահում եմ ՝ դա «Չելսին» է (ժպտում է-allsport.am): Բայց երբեք չեմ հաշվել, թե քանի հատ եմ նկարել:

-Իսկ չե՞ս էլ պատրաստվում, թե՞ շատ դժվար է այդքան հաշվելը:

– Գուցե, ապագայում, որովհետև, ինչպես ասում եք, շատ դժվար է:

-Չեմպիոնների լիգայի կիսաեզրափակիչ փուլի առաջիկա խաղերի վերաբերյալ նոր ծաղրանկարներ սպասե՞նք:

-Իհարկե: Չեմպիոնների լիգան աշխարհում ամենակարևոր մրցաշարերից է, հետևաբար ես պետք է նկարեմ դրա վերաբերյալ:

-Օմար, ի՞նչ կմաղթես Հայաստանում քո ծաղրանկարների սիրահարներին:

-Խաղաղություն և սեր Հայաստանում բոլորին: Միգուցե, մի օր ես կարողանամ այցելել այս քաղցր երկիրը և վայելել ժամանակը:

Նշենք, որ Օմարը խոստացավ Հայաստան այցելելիս առաջինը հյուրընկալվել Allsport.am-ի խմբագրությունում: Առաջիկայում  համատեղ գործունեության շրջանակներում կլինեն նաև ծաղրանկարներ հայ ֆուտբոլիստների վերաբերյալ:

Հարցազրույցի անգլերեն տարբերակին կարող եք ծանոթանալ այստեղ:

You can read this interview in English here

Զրուցեց Դիանա Ադամյանը
                 

spot_imgspot_img
spot_imgspot_img

Նմանատիպ

Նմանատիպ

Ֆուտբոլային սերնդափոխություն․ լավագույնները հեռանում են

2022-23թթ-ի մրցաշրջանը շրջադարձային ստացվեց համաշխարհային ֆուտբոլի համար։ Մի շարք...

Մեսսին հեռանում է Եվրոպայից

«Պարի Սեն Ժերմենից» հեռանալուց հետո Լիոնել Մեսսին որոշել է...

Ջոկովիչը հաղթեց Կարեն Խաչանովին

Թենիսի Ռոլան Գարոսի մրցաշարի քառորդ եզրափակչում Ռուսաստանը ներկայացնող հայազգի...