Պիկե. Գվարդիոլան ինձ զանգահարել է ու ասել, որ ինձ չի լրտեսել

«Բարսելոնայի» պաշտպան Խերարդ Պիկեն իսպանական ԶԼՄ-ների հետ զրույցում նշել է, որ թիմի նախկին գլխավոր մարզիչ Պեպ Գվարդիոլան չի լրտեսել իրեն: Հիշեցնենք’ Իսպանիայի հավաքականի ֆուտբոլիստին որոշ ժամանակ հետևել են խուզարկուները: «Բարսելոնայում» Պիկեի անձնական կյանքը մտահոգություն է առաջացրել, և նրանք որոշել են հետևել խաղացողի գիշերային քայլերին: ԶԼՄ-ները չեն բացառում, որ դա տեղի է ունեցել հենց Գվարդիոլայի նախաձեռնությամբ:

-Ես նախկինում արդեն մեկնաբանել եմ սա: Շատ տհաճ իրավիճակ է, և ես չեմ ցանկանում կրկին մտածել այդ մասին: Հարկավոր է թերթել այդ էջը: Ինչ վերաբերում է Գվարդիոլային, ապա նա ինձ ԱՄՆ-ից անմիջապես զանգահարել է հենց այն ժամանակ, երբ տարածվեց այդ տեղեկությունը: Նա ինձ չի լրտեսել ու ամեն ինչ բացատրել է,- ասել է Պիկեն: