«Ռեալի» նախագահ Ֆլորենտինո Պերեսը վստահություն է հայտնել, որ թիմի լեգենդար հարձակվող Ռաուլը կրկին կարող է ներգրավվել ակումբում, հայտնում է իսպանական մամուլը;
Հիշեցնենք’ Մադրիդից հեռանալուց հետո իսպանացին 2010-2012 թթ. անցկացրեց «Շալկե-04»-ի կազմում, իսկ այժմ կարիերան շարունակում է քաթարական «Ալ-Սադդում»: Ռաուլը համարվում է ակումբի ու ամբողջ իսպանական ֆուտբոլի լեգենդներից մեկը: Երբ նա հեռացավ «սերուցքայինների» կազմից, ակումբի մի շարք երկրպագուներ այդ առիթով իրենց դժգոհությունը հայտնեցին:
-Ռաուլը չի լքել «Ռեալը»: Նա ուղղակի սկսել է խաղալ Գերմանիայում, իսկ այնուհետև կարիերան շարունակել է Քաթարում: Նա անպայման կվերադառնա, քանի որ այս ակումբը իր տունն է, ու այն միշտ այդպիսին կմնա նրա համար,- ասել է Պերեսը:
