«Բավարիայի» պատվավոր նախագահ Ֆրանց Բեկենբաուերը համաձայն չէ, որ «Բարսելոնայի» նախկին գլխավոր մարզիչ Պեպ Գվարդիոլան անելիք չունի գերմանական ակումբում: Հիշեցնեք’ կատալան մասնագետը հաջորդ մրցաշրջանում կգլխավորի թիմը’ այդ պաշտոնում փոխարինելով Յուպ Հայնկեսին: Վերջինս ընթացիկ առաջնությունում լուրջ հաջողությունների է հասնում մյունխենցիների հետ’ վերջիններիս հետ ապահովելով Բունդեսլիգայի չեմպիոնությունն ու Գերմանիայի գավաթի եզրափակչի ուղեգիրը: Բացի այդ, նրանք շատ մոտ են Չեմպիոնների լիգայի եզրափակիչ դուրս գալուն այն բանից հետո, երբ կիսաեզրափակչի առաջին խաղում 4-0 հաշվով ջախջախեցին «Բարսելոնային»:
-Միշտ էլ առաջադիմելու տեղ կա, ու Գվարդիոլան կարող է բարելավվել «Բավարիայի» խաղի յուրաքանչյուր բաղադրիչը: Թիմը դեռ կարող է ավելացնել,- ասել է Կայզեր Ֆրանցը:
