Թուրքական ակումբը փորձում է ձեռք բերել իսպանացի դարպասապահին:
Դեռևս շատ հավանական է, որ «Ռեալի» դարպասապահ Իկեր Կասիլյասը կհեռանա մադրիդյան ակումբից, եթե այնտեղ իր աշխատանքը շարունակի Ժոզե Մոուրինյոն: Հաշվի առնելով այս ամենը’ իսպանական ԶԼՄ-ները գրում են աշխարհի լավագույն դարպասապահներից մեկի հավանական տեղափոխության մասին: Մասնավորապես, AS-ը հայտնում է, որ Իկերի համար ֆինանսական տեսանկյունից շահավետ առաջարկ է պատրաստել «Գալաթասարայը», որտեղ Ֆաթիհ Թերիմը թոփ-խաղացողների միջոցով լուրջ թիմ է հավաքում:
Հիշեցնենք’ Կասիլյասը այս մրցաշրջանի ընթացքում հաճախ է հայտնվում պահեստայինների նստարանին’ հիմնական դարպասապահի դերը զիջելով նախ Անտոնիո Ադանին, իսկ այժմ էլ Դիեգո Լոպեսին:
