«Բավարիան» առաջարկում է Սուարես-Ռոբեն փոխանակություն կատարել

«Բավարիան» շարունակում է «Լիվերպուլի» հարձակվող Լուիս Սուարեսին գնելու փորձեր կատարել: Ինչպես հայտնում է բրիտանական Sun պարբերականը, մյունխենցիները պատրաստ են հնարավոր գործարքի մեջ ներգրավվել կիսապաշտպան Արիեն Ռոբենին, որպեսզի ստանան ուրուգվայցի սկանդալային 26-ամյա ֆուտբոլիստին: Մյուս կողմից, մերսիսայդյան ակումբն արդեն վաղուց է հետաքրքրված Ռոբենի ծառայություններով ու կարող է լիովին կողմ լինել այդ տարբերակին:

Միևնույն ժամանակ, գերմանական գրանդը պատրաստվում է գնել նաև «Արսենալի» պաշտպան Լորան Կոնսիելնիին: Ըստ աղբյուրի’ «Բավարիան» պատրաստ է 27-ամյա պաշտպանի համար վճարել 17,5 մլն. եվրո: