Yerevan
13
+8°C
Weather Data Source: 30 days weather Yerevan

«Ռեալը» նախապատրաստում է «Հակա-Նեյմար» օպերացիան

«Ռեալը» նախապատրաստում է «Հակա-Նեյմար» օպերացիան

Կատալոնական Sport.es պարբերականը հետաքրքրական հոդվածով անդրդարձել է Մադրիդի «Ռեալի» տրանսֆերային քաղաքականությանը: Ըստ աղբյուրի` «Ռեալն» իրագործելու է «Հակա-Նեյմար» օպերացիա:

Ֆլորենտինո Պերեսը շատ է նյարդայնացել, որ Նեյմարն ի վերջո որոշեց տեղափոխվել «Բարսելոնա» և ոչ «Ռեալ», ուստի պատրաստվում է մի քանի տրանսֆերային ձեռքբերումներով  լռեցնել բոլորին:

«Ռեալին» մոտ աղբյուրները հաղորդում են, որ մադրիդցիներն արդեն իսկ համաձայնության են եկել «Տոտենհեմի» առաջատար Գարեթ Բեյլի հետ և պատրաստվում են գնել «Բորուսսիայից» Ռոբերտ Լևանդովսկու ու «Սևիլիայից» Ժոֆֆրեյ Կոնդոգբիայի տրանսֆերային իրավունքները:

Վերջին երկուսը ևս, իբրև, տվել են իրենց համաձայնությունը և մնում է ակումբների ղեկավարների միջև փաստաթղթային հարցերի կարգավոորումը:

 Պերեսն այս ձեռքբերումների վրա հսկայական գումարներ է պատրաստվում վատնել` հաշվի առնելով, որ մի փոքր էժան կլինի միայն Կոնդոգբայի տեղափոխությունը, իսկ ահա գերմանական և անգլիական ակումբների ղեկավարներն իրենց առաջատարներին փոքր գումարով զիջել չեն պատրաստվում:

Հետևեք մեզ նաև Telegram-ում