Հայտնի են դարձել ՀՀԿ նոր փոխնախագահների անունները

Մարտի 11-ին տեղի է ունեցել Հայաստանի Հանրապետական կուսակցության նորընտիր խորհդրի նիստը, որտեղ ընտրվեցին ՀՀԿ փոխնախագահներ: Ինչպես տեղեկացնում է Henaran.am-ը, նախկին 3 փոխնախագահի փոխարեն ՀՀԿ նախագահը այսուհետ կունենա 5 տեղակալ: ՀՀԿ-ի նոր փոխնախագահներն են` Հովիկ Աբրահամյանը, Տիգրան Սարգսյանը, Ռազմիկ Զոհրաբյանը, Գալուստ Սահակյանը եւ փոխնախագահ-միջազգային քարտուղար Արմեն Աշոտյանը:

Հիշեցնենք, որ մարտի 10-ին տեղի ունեցած ՀՀԿ 13-րդ համագումարի որոշմամբ ընդլայնվեց ՀՀԿ խոչհրդի կազմը` դառնալով 19 անդամ, ինչպես նաեւ խորհրդի կազմն էլ բաղկացած է 132 կուսակցականից` նախկին 118-ի փոխարեն:

Խորհրդի նիստում վերընտրվել են ՀՀԿ հանձնաժողովների ղեկավարները: ՀՀԿ գաղափարական հանձնաժողովի ղեկավար է վերընտրվել Մուշեղ Լալայանը, քաղաքական հանձնաժողովի նախագահ` Հովիկ Աբրահամյանը, կազմակերպչական հանձնաժողովի նախագահ` Ռուբեն Թադեւոսյանը: Երիտասարդական խորհրդի նախագահ է վերընտրվել Կարեն Ավագյանը, կանանց խորհրդի` Հերմինե Նաղդալյանը: