«Վիլյառեալի» գլխավոր մարզիչ Մարսելո Գարսիան կարծում է, որ «Ռեալի» հետ հանդիպմանն իր թիմը հաղթանակի էր ձգտում: Խաղն ավարտվեց 2:2 հաշվով.
-Ցանկանում եմ շնորհակալություն հայտնել «Ռեալի» դեմ հիանալի խաղ ցուցադրած իմ ֆուտբոլիստներին: Ցավալի է սակայն, որ այդքանից հետո չկարողացանք հաղթել: Եթե մրցակցի դարպասին մի փոքր ավելի լավ հարվածներ կատարեինք, հաղթանակը մերը կլիներ: Մեր նպատակը չի փոխվում ու դեռ մտածում ենք առաջնությունից դուրս չմնալու մասին,-ասել է մարզիչը:
