Ընդհանուր իրավասության դատարաններում ընտրողների ցուցակների ճշգրտման վերաբերյալ ստացվել է 9 հայցադիմում
06/05/2012 16:04
Նմանատիպ
ՀՀ դատական դեպարտամենից տեղեկացնում են, որ 2012թ. մայիսի 6-ին, ժամը 08:00-ից մինչև 15:00-ը Հայաստանի Հանրապետության ընդհանուր իրավասության դատարաններում ընտրողների ցուցակների ճշգրտման վերաբերյալ ստացվել է 9 հայցադիմում:
Ներկայացնում ենք տվյալներ` ըստ դատարանների.
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում ստացվել է 2 հայցադիմում:
Երևան քաղաքի Ավան և Նոր Նորք վարչական շրջանների ընդհանուր իրավասության դատարանում ստացվել է 2 հայցադիմում:
Սյունիքի մարզի ընդհանուր իրավասության դատարանում ստացվել է 5 հայցադիմում:
Նշված ժամանակահատվածում ստացված հայցադիմումներով դեռևս դատական ակտեր չեն կայացվել:
