Goal-ը տարեվերջին քվեարկություն էր անցկացրել՝ որոշելու տարվա լավագույն ֆուտբոլիստներին:
Վարկանիշում ընդգրկվել է 50 խաղացող:
Առաջին տեղում Արգենտինայի հավաքականի ավագ, ՊՍԺ–ի հարձակվող Լիոնել Մեսսին է: Նա 2022/2023 մրցաշրջանում 19 խաղ է անցկացրել՝ դառնալով 9 գոլի և 10 գոլային փոխանցման հեղինակ: Նրա գլխավորությամբ՝ Արգենտինայի ընտրանին աշխարհի 22-րդ առաջնությունում դարձավ չեմպիոն:
Երկրորդ հորիզոնականում Բրազիլիայի ազգային հավաքականի ավագ ու ՊՍԺ–ի ռմբարկու Նեյմարն է: Ընթացիկ մրցաշրջանում նա 18 խաղ է անցկացրել՝ դառնալով 12 գոլի ու 10 գոլային փոխանցման հեղինակ: «Մունդիալ 2022»-ում նրա գլխավորած հավաքականը քառորդ եզրափակչում պարտվեց Խորվաթիայի հավաքականին ու դուրս մնաց ԱԱ–ից:
Երրորդը «Մանչեսթեր Սիթի»-ի նորվեգացի ռմբարկու Էրլինգ Հոլանդն է: Նա 2022/2023 մրցաշրջանում 9 խաղ է անցկացրել՝ դառնալով 25 գոլի ու 3 գոլային փոխանցման հեղինակ:
Չորրոդն իսպանական «Ռեալ»-ի ֆրանսիացի ռմբարկու Կարիմ Բենզեման է:
Հինգերորդը ՊՍԺ–ի հարձակվող Կիլիան Մբապպեն է: Միայն 2022-ի ԱԱ–ում նա 8 գոլ է հեղինակել՝ դառնալով բոլոր ժամանակների միակ ֆուտբոլիստը, որը 4 գնդակ է խփել Մունդիալների եզրափակիչներում: Նա ճանաչվել է նաև ԱԱ լավագույն ռմբարկու՝ ստանալով «Ոսկե խաղակոշիկ»: Ի դեպ, 24-ամյա ռմբարկուն 2022-ի ամենաբարձր եկամուտն ունեցած ֆուտբոլիստն է:
6-րդ հորիզոնականում «Մանչեսթր Սիթիի» կիսապաշտպան Քևին դե Բրույնեն է, 7-րդում՝ «Ռեալ Մադրիդի» խորվաթ կիսապաշտպան Լուկա Մոդրիչը, 8-րդում «Բարսելոնայի» հարձակվող Ռոբերտ Լևանդովսկին է, 9-րդ հորիզոնականում ՝ «Լիվերպուլի» եգիպտացի հարձակվող Մոհամեդ Սալահը, իսկ 10-ում՝ «Բավարիայի» նորեկ Սադիո Մանեն։
Կրիշտիանու Ռոնալդուին մի քանի քվե է պակասել լավագույնների տասնյակում ընդգրկվելու համար. նա 11-րդն է: Հիշեցնենք՝ տարեվերջին 38-ամյա ֆուտբոլիստը «Մանչեսթեր Յունայթեդ»-ի հետ պայմանագիրը խզեց և այժմ կարիերան շարունակում է արաբական «Ալ–Նասր»-ում:
