Մոսկվայի երկնքում 5 ԱԹՍ է խոցվել
04/07/2023 11:26
![Մոսկվայի երկնքում 5 ԱԹՍ է խոցվել](https://times.am/v3/wp-content/uploads/2023/07/b991b5ea2d0a361cad0fe64ad29ad63403de3f89_1200_675_c-e1688455503493.jpg)
Նմանատիպ
Ռուսաստանի ՀՕՊ-ը Մոսկվայի երկնքում 5 ուկրաինական անօդաչու թռչող սարք է խոցել։
Տեղեկությունը հայտնում է Ռուսաստանի ՊՆ-ն՝ նշելով, որ թռչող սարքերը փորձել են խոցել տարբեր օբյեկտներ Մոսկվայի շրջանում և Նոր Մոսկվայում։
«Այսօր առավոտյան Կիևի ռեժիմի՝ 5 անօդաչու թռչող սարքերով ահաբեկչություն իրականացնելու փորձը Մոսկվայի շրջանի և Նոր Մոսկվայի օբյեկտների վրա խափանվել է»,- ասվում է հաղորդագրության մեջ։
Նշվում է, որ Նոր Մոսկվայի տարածքում 4 ուկրաինական անօդաչու թռչող սարքեր ոչնչացվել են հակաօդային պաշտպանության համակարգերի կողմից։
Մեկ այլ սարք էլ ճնշվել է ՌԷՊ միջոցներով և կործանվել Մոսկվայի մարզի Օդինցովո շրջանի տարածքում։
ՌԴ ՊՆ-ից հայտնել են, որ զոհեր և ավերածություններ չկան։
Հետևեք մեզ նաև Telegram-ում