Իսրայելը փակել է Հորդանանի հետ սահմանը

Իսրայելի իշխանությունները փակել են Հորդանանի հետ սահմանին գտնվող սահմանային անցակետը։

Այս մասին հայտնում է Al-Jazeera-ն։

Նշվում է, որ պաղեստինյան ՀԱՄԱՍ շարժման կողմից ռազմական գործողություններով պայմանավորված Իսրայելը փակել է Հորդանանի հետ սահմանին գտնվող անցակետը, որով հնարավոր է հասնել Երուսաղեմ:

Պաղեստինյան ՀԱՄԱՍ շարժումը հոկտեմբերի 7-ին կատարեց Իսրայելի վրա վերջին տարիների ամենամեծ հարձակումը։ Նրանք Գազայի հատվածից հրթիռներ են արձակել Իսրայելի ուղղությամբ։

Նշենք, որ հարձակումը սկսվել է խորհրդանշական օր. հոկտեմբերի 6-ին լրացավ 1973 թ. արաբա-իսրայելական հերթական պատերազմի 50-ամյակը, որը հայտնի է որպես «Ահեղ դատաստանի պատերազմ»։

Գործողության առաջին 20 րոպեների ընթացքում Գազայի հատվածից Իսրայելի ուղղությամբ արձակվել է 5000 հրթիռ։ Նրանք հրթիռակոծում են զինվորական և քաղաքացիական օբյեկտները։ Այս պահին հայտնի է 20-ից ավել զոհերի և 500-ից ավել տուժածների մասին։

Երկրում հայտարարվել է ռազմական դրություն։