Վաշինգտոնը փորձում է Չինաստանին դուրս մղել էլեկտրական մեքենաների սեփական շուկայից

Ամերիկյան կառավարությունը միջոցներ է նախապատրաստում սահմանափակելու Չինաստանի դերը ԱՄՆ-ի էլեկտրական մեքենաների շուկայում։ Ոլորտի փորձագետները, ըստ The Wall Street Journal-ի, այս շաբաթ կարող են սահմանափակել որոշ սուբսիդիաներ էլեկտրական մեքենաների գնման համար:

Սպասվում է, որ ուրբաթ օրը՝ դեկտեմբերի 1-ին, ԱՄՆ նախագահ Ջո Բայդենի վարչակազմը կհրապարակի հարկային արտոնություններ տրամադրելու նորացված կանոնները, որոնք կձևավորեն ամերիկյան էլեկտրական մեքենաների շուկան։ Վերոնշյալ սուբսիդիան ընդունվել է 2022 թվականին և պետք է խթաներ էլեկտրամոբիլների պահանջարկը, սակայն այժմ պարզաբանումներ կլինեն նման տրանսպորտի ծագման մասին։

Նոր էլեկտրական մեքենաների սեփականատերերը չեն կարողանա սուբսիդիա ստանալ, եթե ամբողջ մեքենան կամ դրա մարտկոցը արտասահմանյան արտադրության են։ Այսպիսով, օրենսդիրների կարծիքով, ամերիկյան արտադրողները կամ մատակարարները ստիպված կլինեն ավելի քիչ հույս դնել շուկայում գերիշխող Չինաստանի վրա։