Ամեն ինչ հնարավոր է. Բագրատ Սրբազանը՝ Արման Թաթոյանին վարչապետի թեկնածու դիտարկելու մասին
10/05/2024 10:35
Նմանատիպ
Տավուշի թեմի առաջնորդ Բագրատ արքեպիսկոպոս Գալստանյանն այսօր լրագրողների հետ զրույցում հայտարարեց, որ Ռոբերտ Քոչարյանին կյանքում մեկ անգամ է հանդիպել։
«Հանդիպել եմ 2001 թվականին՝ Սևանի թերակղզում, երբ Վեհափառի հետ այցելել էին Վազգենյան դպրանոց, ընդամենը հինգ րոպե»,- լրագրողների հետ զրույցում ասաց Սրբազանը։
Նա նշեց, որ իր հանդիպումները թաքցնելու խնդիր չունի։
Սրբազանը նշեց, որ Քոչարյանի հետ ոչ խոսել, ոչ էլ քննարկել է վարչապետի թեկնածու լինելու հարցը։
Լրագրողի հարցին՝ իսկ նախկին ՄԻՊ Արման Թաթոյանի անունը քննարկվո՞ւմ է՝ Սրբազանն ասաց՝ հնարավոր է։
«Ամեն ինչ հնարավոր է, մարդիկ իմ անունն էլ են քննարկում: Ես 2 սկզբունք ունեմ, որոնց մասին հետո կխոսեմ, Տիրոջ կամոք թող լինի՝ մնացածը կասեմ»,- հավելեց Բագրատ Սրբազանը։
Հետևեք մեզ նաև Telegram-ում