Ուկրաինայում զենքերը հայտնվում են քաղաքացիական բնակչության ձեռքին

Ուկրաինայի ՆԳՆ փոխնախարար Լեոնիդ Տիմչենկոն հայտարարել է, որ զինված հակամարտության վայրերից մեծ քանակությամբ չգրանցված զենք է հայտնվում թիկունքում, ինչը հանգեցնում է դրա անվերահսկելի տարածման:

«Բոլորը գիտակցում են, որ զգալի քանակությամբ զենք է առաջնագծից թափանցում թիկունք, որտեղ դրանց հաշվառումը շատ դժվար է իրականացնել»,- ասել է նա լրատվամիջոցների հետ զրույցի ժամանակ։

Նրա խոսքով՝ բարդությունը կայանում է նրանում, որ թիկունքում այդ զենքերը շատ արագորեն տարածվում են ու հայտնվում են հանցավոր տարբեր խմբավորումների ձեռքին։