Թրամփն ու Նեթանյահուն էլ ավելի կխորացնեն ԱՄՆ-Իսրայել հարաբերությունները

Իսրայելի վարչապետ Բենիամին Նեթանյահուն արդեն երեք անգամ զանգահարել է ԱՄՆ-ի նորընտիր նախագահ Դոնալդ Թրամփին ընտրություններում նրա հաղթանակից հետո: Այս մասին հայտնում է Իսրայելի կառավարությունը։

«Վերջին մի քանի օրվա ընթացքում ես երեք անգամ խոսել եմ ընտրված նախագահ Դոնալդ Թրամփի հետ։ Լավ ու շատ կարևոր խոսակցություններ էին։ Բանակցությունները կոչված են էլ ավելի ամրապնդելու ամուր դաշինքն Իսրայելի և ԱՄՆ-ի միջև»,-նշել է Նեթանյահուն։

Իսրայելի վարչապետն ընդգծել է, որ Թրամփի հետ համակարծիք է Իրանի հետ հարաբերությունների հարցում: Նրա խոսքով՝ երկու առաջնորդներն էլ նպատակ ունեն զսպել Թեհրանին և ճնշում գործադրել Իսլամական Հանրապետության վրա: