Հարյուրավոր նավեր հերթ են կանգնած Հորմուզի նեղուցով անցնելու համար. Փիթ Հեգսեթ

Պենտագոնի ղեկավար Փիթ Հեգսեթը այսօր հայտարարել է, որ հարյուրավոր նավեր հերթ են կանգնած Հորմուզի նեղուցով անցնելու համար՝ «Ազատություն» գործողության շրջանակներում, որի նպատակն է վերականգնել այնտեղ նավագնացությունը։

«Այս պահին աշխարհի տարբեր ծայրերից հարյուրավոր այլ նավեր հերթ են կանգնած անցնելու համար», – ասել է Հեգսեթը ճեպազրույցի ժամանակ։

Նա հավելեց, որ ԱՄՆ Կենտրոնական հրամանատարությունը և գործընկեր երկրները կապի մեջ են այդ նավերի, նավագնացության ընկերությունների և նրանց ապահովագրողների հետ։

«Մենք նախընտրում ենք, որ սա լինի խաղաղ գործողություն, բայց մենք պատրաստ ենք պաշտպանել մեր ժողովրդին, մեր նավերը, մեր ինքնաթիռները և այս առաքելությունը առանց վարանելու», – ասել է Հեգսեթը։

Հետևեք մեզ նաև Telegram-ում