Սեդրակ Քոչարյանը կալանավորվել է 2 ամսով. նրա տեսակցությունների վրա սահմանափակում է դրվել

Հակակոռուպցիոն դատարանը երկու ամսով կալանավորել է ՀՀ երկրորդ նախագահ Ռոբերտ Քոչարյանի ավագ որդուն՝ Սեդրակ Քոչարյանին: Նրա փաստաբան Ալեքսանդր Կոչուբաևի փոխանցմամբ՝ դատարանը նաև սահմանափակել է նրա շփման իրավունքը. տեսակցությունները թույլատրված են միայն կնոջ և երեխաների հետ: Սեդրակ Քոչարյանին մեղադրանք է առաջադրվել առանձնապես խոշոր չափերի փողերի լվացման, կաշառք ստանալուն օժանդակելու և պաշտոնեական լիազորությունների չարաշահման հոդվածներով:

Հիշեցնենք, որ օգոստոսի 25-ի առավոտյան իրավապահները խուզարկություններ էին իրականացրել Ռոբերտ Քոչարյանի և նրա որդիների՝ Լևոն և Սեդրակ Քոչարյանների բնակարաններում: Հակակոռուպցիոն կոմիտեի տվյալներով՝ քրեական վարույթով անցնում է 10 անձ, այդ թվում՝ Ռոբերտ և Սեդրակ Քոչարյանները, ՀՀ երրորդ նախագահ Սերժ Սարգսյանը, նախկին վարչապետ Անդրանիկ Մարգարյանը, Երևանի նախկին քաղաքապետ Գագիկ Բեգլարյանը և «Այգեձոր» ընկերության ղեկավար Արանայիս Վորսկանյանը:

Ըստ նախաքննության՝ Ռոբերտ Քոչարյանը, օգտագործելով պաշտոնեական դիրքը, մերձավորների հետ յուրացրել է պետական գույքը և շուկայականից ան համեմատ ցածր գներով ձեռք բերել ռազմավարական օբյեկտներ: Հարցաքննությունից հետո երկրորդ նախագահի ինքնազգացողությունը վատացել էր, և նա տեղափոխվել էր հիվանդանոց, որտեղ շարունակում է գտնվել բժիշկների հսկողության տակ:

Հետևեք մեզ նաև Telegram-ում