Միջադեպ Մալաթիայի շուկայի մոտ․ երեք 15-ամյա տղա ծանր վնասվածքներով հոսպիտալացվել է
Կարդացեք նաև
Երևանում հոկտեմբերի 31-ին տեղի ունեցած միջադեպից հետո երեք 15-ամյա տղա ծայրահեղ ծանր վիճակում տեղափոխվել է «Սուրբ Աստվածամայր» բժշկական կենտրոն։ Այս մասին հայտնում է ֆոտոլրագրող Գագիկ Շամշյանը։
Ըստ հտեղեկությունների՝ երեխաները հիվանդանոց են տեղափոխվել ժամը 16։30-ի սահմաններում։ Նրանք ունեցել են կտրած-ծակած և այլ վնասվածքներ։ Բժիշկները վիրահատել են նրանց և, աղբյուրի փոխանցմամբ, կարողացել փրկել նրանց կյանքը։
Բժիշկները ոստիկաններին հայտնել են, որ տղաները վիրահատարանում են և ի վիճակի չեն կատարվածի մասին բացատրություն տալու։
Գագիկ Շամշյանի տեղեկություններով՝ վնասվածքները ստացվել են Մալաթիայի շուկայի հարևանությամբ՝ Սեբաստիա փողոցի 141 հասցեի հարակից տարածքում տեղի ունեցած միջադեպի ժամանակ։
Միջադեպի պատճառների, մասնակիցների և երեխաների հետագա առողջական վիճակի մասին հրապարակման մեջ լրացուցիչ տեղեկություններ չեն ներկայացվում։
Հետևեք մեզ նաև Telegram-ում