Ստամբուլում ձերբակալվել է Եվրոպայում ահաբեկչություն իրականացրած ԻՊ անդամ
15/08/2017 12:00
Նմանատիպ
Ստամբուլի ոստիկանությունը ձերբակալել է Ինտերպոլի կողմից 3 տարի հետախուզման մեջ գտնվող «Իսլամական պետություն» ահաբեկչական խմբավորման անդամի, ով Եվրոպայում ահաբեկչություն էր իրականացրել:
Այս մասին, ինչպես հաղորդում է «Արմենպրես»-ը, հայտնում է թուրքական «Հաբերլեր»-ը:
Ձերբակալված ԻՊ անդամի նկատմամբ հետախուզում էր հայտարարել նաև Ֆրանսիայի ոստիկանությունը:
Ինչպես պարզել է թուրքական ոստիկանությունը, ԻՊ ներկայացուցիչը Թուրքիա էր եկել ահաբեկչություն նախապատրաստելու նպատակով:
Ձերբակալված Մեհդի Ա.-ն Բելգիայի քաղաքացի է, ով 2014թ. կնոջ և երեխայի հետ Բելգիայից տեղափոխվել է Սիրիա և դարձել ԻՊ ահաբեկիչ:
Նախքան ահաբեկչություն նախապատրաստելու և իրականացնելու նպատակով Ստամբուլ գալը՝ Մեհդի Ա.-ն կնոջը և երեխային կրկին ուղարկել է Բելգիա:
Հետևեք մեզ նաև Telegram-ում